Begin typing your search above and press return to search.

आबाद बिथिंआव रांनि बोहैथिखौ बांहोनो थाखाय दिस्पुर सरकारनि मावफारिया

आबाद बिथिंआव रांनि बोहैथिखौ बांहोनो थाखाय दिस्पुर सरकारनि मावफारिया

Sentinel Digital DeskBy : Sentinel Digital Desk

  |  20 Dec 2018 9:00 AM GMT

गुवाहाटी,डिसेम्बर 20: गोदान बोसोरनि बान्था बुंनो ना मा बुंनो- हादोरसानि सिङाव थानाय आबाद मावगिरि आबादारि, फिसा फिसा साहा बागान खालामगिरि आरो साहा बागानाव खामानि मावगिरि बिथांमोनि थाखाय दिस्पुर सरकारा माखासे बान्था एबा स्किम फोसावदों। बेफोर स्किमखौ फैगौ बोसोरनि जानुवारि दान्निफ्राय सोदांगोन।

हादोरसानि देहा आरो रां बिफान्नि मनट्री हिमान्ट बिस्व सर्मा बिथांआ खौरांगिरिफोरनि सिगांआव बुङोदि, “2018 माइथाया पाटरुघात आबादारिफोरनि दावहाया 125 बोसोर बारलांबाय जाय दावहायाव गासै 140 आबादारिफोरा गाव गावनि जिउखौ बावलांनो गोनां जादोंमोन, बिथांमोनि जिउ बावलांनाय आबादारिफोरखौ गोसोखांनानै आरो मानिनानै हादोरसा सरकारा बे स्किमफोरखौ फोसावना होदों”।

स्किमफोरनि सोमोन्दै सर्मा बिथांआ बुङोदि आसाम फार्मार क्रेदिड साबसिडी स्किम (AFCSS) नि सिंजों आसाम सरकारा आबादारिफोरनि लन लानायखौ 25 जौखोन्दो रुजुनगोन नाथाय लन लानायनि 25,000 रोजानि बारा नङा, आरो बे खाबुखौ जाय बिथांमोनहा थांनाय 1 एफ्रिल 2018 निफ्राय 31 मार्च 2019 नि गेजेराव लागोन बे बिथांमोनहा मोन्नो हागोन होन्ना बिथांआ बुंथियो।

जाय आबादारिफोरा लन लानायनि बिबांखौ बेंकआव जमा खालामफिनबाय बे बिथांमोनो रांखौ हरफिन्नाय जागोन, आरो जाय बिथांमोनहा लन लानाय रांखौ जमा होआखै बे बिथांमोनहा गासै 75 जौखोन्दोखौल’ जमा होनांसिगौ होन्ना बिथां सर्माया बुंङो। लोगोसे बुंबावोदि बे स्किमनि गेजेरजों हादोरसायाव थानाय गासै 2.62 लाख आबादारिफोरा मोन्नो हागोन, बेनि थाखाय आसाम सरकारा गासै 500 कौटी रांखौ बाहायनांगोन आरो बे खाबुखौ दानि सोलिफु रांआरि बोसोरावल’ होगोन नाथाय खामानिआ मोजाङै जाफुंसार जायोब्ला फैगौ बोसोरफोरावबो मावफुलांबाय थागोन, माखासे फिसा फिसा साहाबागान गायगिरि आरो राबार बागान गायगिरि बिथांमोनहाबो बेंकनिफ्राय लन लादों, बिथांमोनखौबो बे स्किमनि गेजेरजों लाबोगोन होन्ना बिथांआ बुंबावो।

आसाम फार्मार इन्टारेस रिलिफ स्किम (AFIRS) नि सोमोन्दै रां बिफान्नि मनट्री हिमान्टा बिस्वा सर्मा बिथांआ बुङोदि आबादनि थाखाय इन्टारेस रेटआ गासै 7 जौखोन्दो, बेनिनो 4 जौखोन्दोखौ आबादारिफोरा होयो आरो गुबुन 3 जौखोन्दोखौ मिरु सरकारा होयो। बे स्किमनि गेजेरजों आबादारिफोरनि 4 जौखोन्दोखौ दिस्पुर सरकारा रुजुन्नो थांगासिनो दं, बे मावफारियानि गेजेरजों आबादारिफोरनि आबादनि थाखाय लन लानायनि इन्टारेस रेटआ हादोरसायाव लाथिख’ (0) जौखोन्दो जागोन, जुदि मिरु सरकारा 3 जौखोन्दो इन्टारेस रेटखौ बोखारफिनगोन, अब्लाबो जों गासै इन्टारेस रेटखौनो रुजुन्ना लागोन। बेयो मोनसे दिस्पुर सरकारनि अरायथा स्किम, जाय स्किमनि थाखाय हादोरसा सरकारा गासै 200 कौटी रां बाहानो गोनां जागोन होन्ना बिथांआ बुंबावो।

आसाम फार्मार इन्चेनटीव स्किम (AFIS) नि सोमोन्दै बिथांआ बुङोदि थाम (3) लाख आबादारिफोरा जाय बेंक एकाउनजों लन लादों, बेयो मोनसे नॉन पार्पमिं एसेट (NPA) जानानै दं, मानोना बिथांमोनहा बेंकआव रांखौ जमा होफिनाखै। बिथांमोनखौ बेंकिं सेस्टेमाव लाबोफिन्नो थाखाय आरो बेंखौ फोथांफिन्नो थाखाय मोनफ्रोमबो बिथांमोनि बेंक एकाउनाव 10,000 रोजा रां सोनानै होनो थांगासिनो दं, फारसेथिं बिथांमोनहा गाव गावनो माखासे थाबावनाय लननि बिबांखौ सोनानै लानांगोन। बे स्किमआ मोनसे आसाम सरकारनि अरायथानि स्किम आरो बे स्किमखौ भारत हादोरनि गुबुन गुबुन हादोरसाफोराव नुनाय जायाखै, बे स्किमनि थाखाय हादोरसा सरकारा 500 कौटी रांखौ बाहायनांगोन होन्ना बिथांआ बुङो।

गुबुन मोनसे स्किम दंबावो, बेनो जाबाय हादोरसायाव थानाय आबादारिफोरखौ दानि मुगानि गोनखोआरि आयजेंफोरखौ बाहायनानै आबाद मावनानै दिहुन्थायफोरखौ बांहोनायाव बिहोमा होनाय “One-time Financial Assistance Scheme” बे स्किमनि गेजेरजों आबादारिनो 5,000 रोजा रांनि खनसे अनसुंथाय होनाय, गिबिआवनो हादोरसानि 27 लाख आबादारिफोरनि गेजेराव 5 लाख आबादारिफोरनो बे खाबुखौ होग्रोगोन होन्ना बिथां सर्माया बुंथियो।

“साह बागिसा धन पुरस्कार मेला” स्किमनि सोमोन्दै बिथांआ बुङोदि रां सोलियै (Demonetization) जानायनि उनाव साह बागाननि खामानि मावगिरिफोरखौ बेंक एकाउन खुलिनो बिथोन होदोंमोन, बेबादियैनो बिथांमोनहा गासै 7,21,485 गोदान एकुनफोरखौ खुलिदोंमोन, जाय एकाउनाव हादोरसा सरकारा 5000 रोजा रां सोनानै होनायनि खोथा बुंदोंमोन। बे खामानिखौ खोथा होनायबादि मावफुंनो थाखाय जों 2,500 रांखौ सोनानै होनाय जाबाय, आरो खोथा होनाय बादि माखासे थाबावनाय 2,500 रोजा रांफोरखौ सोनानै होनो थांगासिनो दं, बेनि थाखाय हादोरसा सरकारा गिबि सोनायाव 182 कौटी रां बाहायनो गोनां जादोंमोन आरो नैथि खेबाव 200 कौटी रां बाहायगोन होन्ना बिथांआ बुंथियो।

“बेफोर मोनफ्रोमबो स्किमफोरा बावैसो जानाय केबिनेटनि जथुमायाव गनायथि (Approval) जाबाय” होन्ना सर्मा बिथांआ बुङो।

Next Story
गाहाय रादाब