आबुं NRC नि फारिलायाव मुं नायनायनि मोनबा राहा

सेथि राहा, नोंथांनि मुंखौ खाथिनि NRC सेवा केन्द्रनि मावख’ आव 30 जुलाइनिफ्राय 28 सेपथेम्बरसिम फुंनि 10am निफ्राय 4pm नि गेजेराव थांनानै लेखा बिलायाव सेबखांनाय आबुं फारिलायाव नोंथांनि मुंखौ नायनो हागोन।

नैथि राहा: इंथारनेथ अनलाइननि गेजेरजों गाहायनि लिंगाव थुनानै नायनो हागोन।

1. nrcassam.nic.in
2. assam.mygov.in
3. assam.gov.in आरो
4. homeandpolitical.assam.gov.in

थामथि राहा: मबाइल SMS नि गेजेरजों, 30 जुलाइ 2018 माइथायनि 12 बाजिनिफ्राय हारसिङैनो खौरां फैहोनानै नायनो हागोन। बेखौ खालामनो थाखाय गाहायनि आयेनफोरखौ खालामनो गोनां।

1. नोंथांनि मबाइल नाम्बारखौ SMS नि गेजेरजों 7899405444, 7026321133, 7026861122, 9765556555 आव दैथाय हरनानै रेजिस्तार खालामनांगोन।
2. जुदि नोंथांनि मबाइल नम्बरा रेजिस्तार जायोब्ला नोंथांआ 30 जुलाइआव हारसिङैनो SMS नि गेजेरजों खौरां मोनगोन।
3. रेजिस्तार खालामनायनि आदबा जाबाय ARN स्पेस बिदिन्थि बादियै, जुदि नोंथांनि ARN आ 101856721980000087961 अब्ला लिरनांगोन ARN 101856721980000087961 आरो 7899405444, 7026321133, 7026861122, 9765556555 जायखिजाया मोनसे नम्बराव दैथाय हरनांगोन।
4. बे खाबुआ रेजिस्तार खालामनो थाखाय 29 जुलाइनि 6pm सिमल’ थागोन।

ब्रैथि राहा: NRC नि फारिलायाव थानायनि सोमोन्दै लुबैनायबादि SMS नि गेजेरजों 30 जुलाइ 2018 नि उनाव मिथिनो मोनगोन। बेखौ खालामनो थाखाय गाहानि नियमफोरखौ मिथिनाया गोनां।

1. नोंथाङा 30 जुलाइनि 12 बाजिनि उनाव 7899405444, 7026321133, 7026861122, 9765556555 जायखिजाया नम्बराव SMS दैथाय हरनांगोन। मुंखौ मिथिनो थाखाय ARN स्पेस ARN थुनानै दैथायहरनांगोन।
2. बिदिन्थि बादियै, जुदि नोंथांनि ARN आ 101856721980000087961 अब्ला लिरनांगोन ARN 101856721980000087961 आरो 7899405444, 7026321133, 7026861122, 9765556555 जायखिजाया मोनसे नम्बराव दैथाय हरनांगोन। अब्ला नोंथाङा थाबैनो SMS नि गेजेरजों मिथिनो मोनगोन।

बाथि राहा: फोन खालामनानै: आसामाव थानाय सुबुंफोरनि थाखाय बेसेन नाङालासे 15107 Helpline नम्बराव फोन खालामनानै मिथिना लानो हागोन। आसामनि गुबुना थाहैनाय सुबुंफोरनि थाखाय 18003453762 नम्बराव बेसेन नाङालासे फोन खालामना मिथिनो हागोन।

गोसोआव लानो गोनांदि जायफोरनि फोन नम्बरा Do Not Disturb एबा DND आव रेजिस्तार खालामना लादों बिथांमोनहा SMS नि गेजेरजों जेबो फिन्नाय मोन्नाय नङा नाथाय बिथाङा गुबुन मोनसे मबाइल नम्बराव रेजिस्तार खालामोब्ला फिन्नायखौ मोन्नो हागोन।

मिथिनो गोनांदि-

1. ARN ओंथिया जाबाय Application Receipts Number .
2. ARN खौ गिदिर आखरजों लिरनागोन।