Top
undefined
Begin typing your search above and press return to search.

कार्बि आंलं गावखुंथाय काउनसिलनि गाहाय रंगहांग आरो हिमान्ट बिथांमोनहा आलादा राज्यो दाबिखौ लानानै गाहाय मंत्रीखौ लोगो हमहैदों

कार्बि आंलं गावखुंथाय काउनसिलनि गाहाय रंगहांग आरो हिमान्ट बिथांमोनहा आलादा राज्यो दाबिखौ लानानै गाहाय मंत्रीखौ लोगो हमहैदों

Sentinel Digital DeskBy : Sentinel Digital Desk

  |  20 March 2019 12:56 PM GMT

दिपु,मार्च 20: आसाम हादोरसानि सिङाव थानाय कार्बि आंलं गावखुंथाय काउनसिलनि गाहाय (CEM) टुलिराम रंगहांग बिथांआ मंगलबारखालि आलादा गावखुंथाय राज्यो दाबिखौ लानानै हादोरनि गाहाय मंत्री नारेन्ड्र मोडी बिथांखौ लोगो हमहैयो।

नायनो गोनां बाथ्राया जाबाय, कार्बि आंलं गावखुंथाय काउनसिलनि गाहाय टुलिराम रंगहांग बिथांजों लोगोसे हादोरसा रां बिफाननि मंत्री हिमान्ट बिस्व सर्मा बिथांआबो रावना होलांफायो।

खौरां मोन्नाय बादिब्ला बिथांमोनहा कार्बि आंलं आरो दिमा हासाव जिल्लाफोरनि थाखाय भारत संबिजिरनि 244(A) दफायाव लिरनानै दोनजानाय आयेन बादियै आलादा राज्यो (Autonomous State) दाफुंनानै होनांगौ होन्ना हादोरनि गाहाय मंत्री नारेन्ड्र मोडी बिथांनो गोसोखांबिलाइ एबा Memorandum गथायदों।

कार्बि आंलं गावखुंथाय काउनसिलनि गाहाय टुलिराम रंगहांग बिथांआ खौरांगिरिफोरनि सिगांआव बुंनाय बादिब्ला, बिथांजों लोगोसे काउनसिलनि माखासे दैदेनगिरिफोरा हादोरनि गाहाय मंत्री नारेन्ड्र मोडी बिथांखौ लोगो हमहैदोंमोन। गाहाय मंत्रीआ खोथा होनाय बादिब्ला आलादा राज्यो (Autonomous State) दाफुंनायनि दाबिखौ लानानै दान मोन 3 नि उन उन सावरायनो थाखाय मिरु सरकारा मोन्नैबो जिल्लानि सोद्रोमाफोरखौ खावलायहरगोन।

रंगहांग बिथांआ मिथिहोबावोदि, हादोरनि गाहाय मंत्रीजों सावारायखांनायनि उनाव गाहाय मंत्रीआ बिथांमोनो फोरमायदोंदि, जुदि फैगौ लख सभा बिसायखथि 2019 आव देरहासार जानो हागोन अब्ला कार्बि आंलं आरो दिमा हासाव जिल्लाफोरनि थाखाय फैगौ समफोराव हानायमानि हेफाजाब होगोन आरो आलादा गावखुंथाय हादोरसानि दाबिनि जेंनाखौ सुस्रांगोन।

हादोरसा रां बिफाननि मंत्री हिमान्ट बिस्व सर्मा बिथांआबो गावनि मावख’नि टुयेटार एकाउन्टनि गेजेरजों सावरायनायनि फिथायखौ फोसावनानै होयो। बिथांआ लिरोदि, ‘Today met Hon PM Shri Narendra Modi at his residence along with delegation of Karbi Anglong Autonomous Council. They acknowledged & praised PM for his huge contributions in development of North East & gave their wishes for upcoming Lok Sabha elections.’

https://twitter.com/himantabiswa/status/1107958192963833856

कार्बि आंलं गावखुंथाय काउनसिलनि दोलोनिफ्राय MLA, ड: मेनसिं रंगपि, डिपुटी बुंथिगिरि रितेस इंगती, EM हरेनसिं बेय, मंगल सिंह टिमुंग, अमरसिं थिस’, दारसिंह रंगहांग, रिचार्ड टकबि आरो इलुइन टेरन।

Next Story