केरेला ब्लास्टारा ISL गेलेनायाव ATK खौ नै गल सोनानै जुरिजेनबाय

कलकाता,सेप्तेम्बर 30: सनिबाराव Hero Indian Super League जोलुर बादायलायनाय गेलेनायखौ 2014 माइथायनिफ्राय बोसोरफ्रोमबो खुंबोनाय बादि देग्लायनि 5थि खेबनि गिबि गेलेनायाव केरेला ब्लास्तार जोलुर हान्जाया कलकातायाव थानाय Salt Lake स्तेडियमाव कलकातानि ATK जोलुर हान्जाखौ 2 गल सोनानै जुरि जेनबाय।

गेलेनायनि 77 मिनिटआव केरेला ब्लास्टार जोलुर हान्जानि पप्लाटनिकआ गिबि गलखौ सोनो हानानै सिगाङो आरो 86 मिनिटआव स्टजानभिक बिथांआ नैथि गलखौ सोनो हानानै देरहासार जायो।

गोग्गाथाव बाथ्रानि बे गेलेनायाव आसाम हादोरसानि बड’लैन्ड हालामनिफ्राय गोख्रों जोलुर गेलेगिरि हलिचरन नार्जारि बिथांआ केरेला ब्लास्तार जोलुर हान्जानि जानानै गेलेना Winning Pass of The Match बान्थाखौ मोन्नानै गासै 25 रोजा रांनि चेक मोन्नो हायो।