गुवाहाटी,सेप्तेम्बर 12: कर्नातकानि सासे फरायसा गुवाहाटीआव थानाय टेकनिकल फरायसालि IIT आव बि.टेक 1थि बोसोर मेकानिकेल इंजिनियरिं बिफानाव मुं थिसन फैनाय फरायसुलि नागास्रि आयटालआ गावनि जिउखौ फोजोबना लादों।
खौरां मोन्नाय बादिब्ला हिन्जावसाया थाग्रा खुलिनि गावनि थाग्रा खथानि सिङाव फासि नांनानै जिउ फोजोबना लादों। जाथायनि जाहोनखौ सं-दान्नो थाखाय पुलिसआ जाथाय थिलिआव थाङो आरो गोथै देहाखौ GMCH देहा फाहामसालिआव पस्त मरटेमनि थाखाय दैथाय हरो।