नोंथांनि मुंआ एनआरचीआव गोरोन्थि नुजादों नामा? Online नि गेजेरजों सुज्रायनानै लादो

गुवाहाटी, डिसेम्बर 1: नोंथांनि मुंआ एनआरचीआव गोरोन्थि नुजादों नामा? मिथिनो मोन्नाय बादिब्ला 30 जुलाइ 2018 आव ओंखारनाय NRC नि जोबथा आबुं फारिलाइआव गोबां सुबुंफोरनि मुंफोरा गोरोन्थि नुजादोंमोन। बेफोर गोरोन्थि जालांनाय मुंफोरखौ सुज्रायनानै लाफिननो थाखाय मोनफ्रोमबो NRC सिबिथाय मिरुफोराव सुफुं बिलाइफोरखौ Offilne नि गेजेरजों मावफुंनो थाखाय होबोगासिनो दं, नाथाय गोजोन्थाव खौरांआ जाबाय गाव गावनि मुंफोरखौ 5 सान्नि गेजेरावनो Online नि गेजेरजों सुज्रायनानै लानो हागोन।

Offline नि गेजेरजों गाव गावनि मुंखौ सुज्रायनानै लानो थाखाय नोंथांआ NRC सिबिथाय मिरुआव थांनानै सुफुं बिलाइखौ सुफुंनानै जमा होनांगौ जायो। नाथाय Online नि गेजेरजों गाव गावनि मुंखौ गोरोन्थि गोयै खालामनो थाखाय NRC नि ऑफिशियेल Website www.nrcassam.nic.in आव थांनानै- थाखानाय सुफुं बिलाइखौ सुफुंनानै गोरोन्थि गोयै खालामनानै लानो हागोन होन्ना मिथिनो मोन्नाय जायो।

खौरां मोन्नाय बादिब्ला 30 जुलाइ 2018 आव फोसावनाय NRC नि आबुं फारिलाइआव गोरोन्थि नुजानाय मुंफोरखौ Online नि गेजेरजों गोरोन्थि गोयै खालामनानै लाफिन्नो थाखाय NRC नि बिबानगिरिफोरा 5 डिसेम्बर 2018 निफ्राय बे खाबुखौ होगोन।

फारसेथिं NRC आव गोरोन्थि जालांनाय मुंफोरखौ Online नि गेजेरजों सुज्रायनानै लाफिन्नो थाखाय बेसेबां गोबाव सम होगोन बेनि फार्से NRC नि बिबानगिरिफोरा जेबो मिथिहोथआखै।