पुलवामा गाग्लोबनायाव लोब्बा थानाय सानै जेइएम उदखारिखौ मोगा मोगिआव जिउ फोजोबो

गुवाहाटी,फेब्रुवारि 18: थांनाय 14 फेब्रुवारि 2019 आव जम्मु आरो काश्मीर हादोरसानि पुलवामा जिल्लायाव जाइस-इ-महामद उदखारि हान्जानि गाग्लोबनायाव लोब्बा थानाय उदखारि हान्जानि गुबै कामान्डारखौ मोगा मोगिआव जिउ फोजोबनो हायो।

मखनो गोनांदि, भारत हादोरनि साखाथिआव थानाय पाकिस्तान हादोराव जोनोम मोन्नाय जाइस-इ-महामद उदखारि हान्जाया थांनाय 14 फेब्रुवारि 2019 आव जम्मु आरो स्रिनगरनि लामायाव गोहो गोरा आइ इ डि सुइसाइड बमा होनानै गाग्लोबदोंमोन। जायनि जाहोनाव सा 40 निबो बांसिन रौनिया हान्जानि सोद्रोमाफोरा हादोरनि थाखाय मुंख्लं जानो गोनां जादोंमोन।

खोला काश्मीर जिल्लायाव उदखारि हान्जा आरो रौनिया हान्जानि गेजेराव दानि सोलिफुबाय थानाय मोगा मोगि गावलायनायाव आर्मि मेजरजों लोगोसे सा 4 आर्मिनि सोद्रोमाफोराबो मुंख्लं जाफानो गोनां जायो।

खौरां मोन्नाय बादिब्ला पाकिस्तान हादोरनि उदखारि, कामरान, जायखौ पुलवामा गाग्लोबनायनि गाहाय मास्तारमाइन्ड होन्ना मिथिदों, बिथांजों लोगोसे ओनसोलनि उदखारि हान्जानि सोद्रोमा हिलाल बिथांआबो पिनलां ओनसोलाव जानाय मोगा मोगिआव जिउ फोजोबनो हादों होन्ना मिथिनो मोन्नाय जायो।