गुवाहाटी: एजिपि राजखान्थि हान्जाया फैगौ 2019 लख सभा बिसायखथिनि सिगां आयेन बेरेखायै फैनाय बांग्लादेसि थादेरै भट सोगिरिफोरनि मुंनि फारिलाइ फोसावनो भारतनि बिसायखथि बिफानखौ बिथोन होदों।
बे बाथ्राखौ एजिपिआ गोदान दिल्लीआव बिसायखथि बिफान आरो भारतनि मोनफ्रोमबो राजखान्थि हान्जों समबाराव जानाय मेलआव बुङो। आसामनिफ्राय एजिपि हान्जानि जानानै लेजिसलेटर रामेन्द्र नारायन कलिता आरो गाहय नेहाथारि कमला कान्त कलिता बिथांमोनहा नुजाहैदोंमोन।
आसाम हादोरसानि खुंथायाव थानाय बिजेपि सरकारनि लोगो एजिपिआ बिसायखथि बिफान्नि सिगांआव बुङोदि, आसाम हादोरसानि भट सोग्रानि फारिलाइआव गोबां सनदेह गोनां आयेन बेरेखायै थाफैनाय सुबुंफोरनि मुंनि फारिलाइखौ नुनो मोन्नाय जादों मानो आसामाव थांनाय 10 बोसोरसोनि सिगांनिफ्रायनो आसाम हादोरा गुबुनारिफोरनि जेंनायाव गोग्लैनानै दं। हान्जाया माखासे आसामनि जेंनाफोरखौ बिसायखथि बिफान्नो बुजिहोनो नाजादोंमोन।