भारत बिरखं जाहाजनि खामान्डार अभिनन्दन भार्टामानआ पाकिस्तान हादोरनिफ्राय फैफिनबाय
आतारि(पान्जाब)/गुवाहाटी 02: सान्नैसो सिगां पाकिस्तान हादोराव भारतनि MiG-21 बिरखं जाहायखौ गावख्लायनानै हमजाहैनाय, भारत बिरखं जाहाजनि खामान्डार आरो पाइलट अभिनन्दन भर्टामान बिथांआ सुक्रबारनि मोनायाव भारत हादोरनि फार्से आगान होफैफिनबाय।
गोथां गाबनि कोड गान्नाय, सोमके लंपेन्ट आरो गुफुर गस्ला गान्नाय भार्टामान बिथांखौ बर्डार सेकुरेटी फर्स (बिएसएफ) रौनिया हान्जानि गेदेमा ऑफिसार बिथांआ सुक्रबार मोनानि 9:21 रिंगायाव भारत-पाकिस्तान सिमायाव थानाय लाथिख’ सिमायाव नाजावो।
बिथांखौ भारतआव नाजावनानै लानाय समाव बिएसएफनि ऑफिसर बिथांआ आखाय दाख’यो आरो गुबुन सासेआ बिथांनि जान्जिआव हमनानै भारत हादोरनि भार्से आवगायबोयो।
अमरितसारनि डिपुटी खमिसनार शिबदुलार सिंह दिलन बिथांआ भारत बिरखं रौनिया हान्जा IAF आरो बर्डार सेकुरेटी फर्सनि ऑफिसार बिथांमोनजों लोगोसेयैनो नाजावनानै बुङोदि, “आभिनन्दन बर्टामान बिथांखौ भारतआव नाजावनो मोनफिन्नानै गोजोन्नाय मोनदों”।
अभिनन्दन बिथांखौ पाकिस्तान हादोरनि ग्रुप केपटेन जेडि कुरियान बिथांआ लाथिख’ सिमासिम लानानै फैयो आरो बिथांखौ पाकिस्तान हादोरनि रौनिया हान्जाफोरा बेंखन्नानै गेतसिम लाबोयो।
मखनो गोनांदि, बिरखं खामान्डार बिथांखौ भारत आरो पाकिस्तान हादोरनि सिमायाव थानाय वागा-आटारिनि लाथिख’ सिमनायाव भारत हादोराव हगारहरफिन्नो लाबोफिन्नायनि सिगां पाकिस्तान हादोराव 60 घन्टानिबो बारा जाहैबायमोन।
अभिनन्दन बिथांखौ साननि समावनो हगारहरनो गोनांमोन नाथाय पाकिस्ताननि माखासे बिबानगिरिफोरा मिथिनो मोना जाहोन्नि थाखाय सुक्रबारखालि साननि समाव लाखिनानै दोनबायथादोंमोन।
भारत बिऱखं जाहाजनि Standard Operating Procedure (SOP) आयेन बादियै बिरखं खामान्डार अभिनन्दन बिथांखौ जों नाजावनो मोनबाय होन्ना बिरखं जाहाजनि लेङाइ कामान्डार आर.जि.के कापुर बिथांआ खौरांगिरिफोरनि सिगांआव बुङो।
“बिथांखौ दा जों मेडिकॉल आन्जाद खालामनाय जासिगोन, मेडिकॉलनि आन्जाद नायनाया गोनांथि दं, मानोना बिथांआ बिरखंनिफ्राय पेरासुडनि हेफाजाबआव बाज्रुमनो गोनां जादों आरो बिथांनि मोदोमा खस्त मोनदों” होन्ना कापुर बिथांआ बुंबावो। (IANS)
