टंला: उदालगुरि जिल्लानि सिंआव थानाय पानेरि पुलिस थाना बेन्दोंनि क्रिस्तानबस्ति ओनसोलाव महिन्द्र सुप्र मिनि भानआ खारब्रेनायनि जाहोनाव सा 17 लाइमोन गथफोरा जखम जायो। जखम जानाय सुबुंफोरखौ ओनसोलनि सुबुंफोरनि हेफाजाबाव खाथिनि टंला CHC देहा फाहामसालिआव थिसन्नाय जायो।
खौरां मोन्नाय बादिब्ला जखम जानाय लाइफोरा बल बमनि सि गान्नानै धोरोम सिबिनाय हाबाफारिआव बाहागो लाहैदोंमोन। देहा फाहामगिरि डक्तरा बुङोदि, साफ्रोमबो लाइमोनफोरखौ गिनांगौ गैला। ओनसोलनि सुबुंफोरा बांद्राय गोब्राब गारिफोरखौ सालायनायनि थाखाय सोंखारियो।
गारि सालायगिरिआ बारा जखम जायाखै होन्नानैबो खौरां मोनबावनाय जायो।