मेथाय रोजागिरि प्रियंखा बरालिनि गारि आरो आग्जुफोरखौ सावनानै सेव हांगार खालामो

गुवाहाटी,फेब्रुवारि 23: आसाम हादोरसानि सिङाव थानाय जरहात जिल्लानि असमिया रावनि मुंदांखा मेथाय रोजाबगिरि प्रियंका बरालि बिथांनि हान्जानि गारि आरो दामग्रा देग्रा आग्जुफोरखौ दिनै अरुनाछल हादोरसानि इतानगर आव अरजों सावनानै सेव हांगार खालामो।

खौरां मोन्नाय बादिब्ला बिथांआ जेब्ला मेथाय रोजाबनो थाखाय जौसांआव गाखोनानै दामग्रा देग्राफोरखौ नायनानै साखाफारा खालामगासिनो दंमोन, बे समावनो पुलिस आरो सुबुंफोरनि गेजेराव हिंसायारि जाथाय सोमजियो, जाहोनाव पुलिसआ टियार गेस गावफुंनो गोनां जायो। प्रयंका बरालि बिथांजों लोगोसे माखासे हान्जायाव मुंदांखा मेथाय रोजाबगिरिफोर फारियै- कैलास, राजा, पमदा आरो आलब नागा बिथांमोनहाबो दंमोन।

दुखुनांथाय बाथ्राया जाबायजेब्ला बिथांमोहा दावराव दावसिफोरखौ नुनानै गावसोरनि हतेल फार्से गिदिंलांगासिनो दंमोन बे समावनो बिथांमोनि गारिखौ लामायाव लाखिना रागाजोंनाय सुबुंफोरा गारिजों लोगोसे दामग्रा देग्राफोरखौ गावसोरनि मेगनावनो सावदों।