गुवाहाटी,मार्च 19: कंग्रेस दोलोनि मिरु बिसायख’थि खमिटिआ फैगौ पारलियामेन्टारि बिसायखथि एबा लख सभा बिसायखथिनि थाखाय बिजाथिनि फारिलाइखौ फोसावबाय। बेनिनो आसाम हादोरसानि गुबुन गुबुन बियाफोराव थिसनजानाय बिजाथिफोरा जाबाय फारियै- दिपु गावखुंथाय जिल्लानि थाखाय बिरेन सिं इंगती, मंगलदै बियाबनि थाखाय भुबनेस्वर कलिता, तेजपुर बियाबनि थाखाय एमजिभिके भानु, नगांव बियाबनि थाखाय प्रद्युत बरदलय आरो लक्किमपुर बियाबनि थाखाय अनिल बर्गहाइन।
मखनो गोनांदि हादोरसायाव लख सभा बिसायखथिआ फैगौ एप्रिल दाननि 11 खालारनिफ्राय जागायनानै गासै मोनथाम खोन्दोआव बोखावनानै खुंफुंजोबगोन। भट होनायनि जौखोन्दोखौ फैगौ मेइ दाननि 23 अक्ट’आव सानगोन आरो बिसायखथिनि फिथायखौ फोसावगोन।
