सासे आलफानि सोद्रोमाखौ खादों

जयसागर: बरहाट पुलिस आउट पस्टनि सिंआव थानाय बरहाट गामिनि महेन्द्र गहाइन मुंनि सासे आलफानि सोद्रोमाखौ ब्रिहस्तथिबारनि मोनायाव बरहाट पुलिसआ बरहाट कुच गामिनिफ्राय हमनो हायो।

खौरां मोन्नाय बादिब्ला बरहाट पुलिसआ सनदेह गोनां आलफानि सोद्रोमाखौ बरहाट गामिनि राजा लामायाव सानफ्रोमबोनि खामानि बादि सेकिं खालामनायव हमनो हायो। दायनिगिराआ मटर सायकेलजों थांगासिनो दंमोन आब्ला बिथांखौ लाखिनानै सेकिं खालामनायाव आलफाजों सोमोन्दो थानाय माखासे लेखा बिलाइनि फोरमान बिलाइफोर मोन्नाय जादों होन्ना खौरां मोनो। बिथांजों लोगोसे गंनै जानबुं आरो माखासे रांबो मोन्नाय जादों होन्ना खौरां मोनबावो।