Begin typing your search above and press return to search.

हादोरनि हागाय मनट्रीआ रोड काम रेल बगिबिल दलांखौ बेखेवबाय

हादोरनि हागाय मनट्रीआ रोड काम रेल बगिबिल दलांखौ बेखेवबाय

Sentinel Digital DeskBy : Sentinel Digital Desk

  |  25 Dec 2018 11:28 AM GMT

गुवाहाटी,डिसेम्बर 25: हादोरनि गाहाय मनट्री नारेन्ड्र मेडीआ बगिबिल दालांखौ बेखेवबाय, जायखौ एसिया होदारमानि नैथि हा लामा आरो रेल लामा होन्नानै बुंनाय जादों। मोन्नै लामा थानाय दालांआ आसाम हादोरसानि डिब्रुगड़ जिल्ला आरो धेमाजि जिल्लानि जान्थायखौ खमायहोसिगोन, जायनि जाहोनाव हादोरनि राजथावनि दिल्लीनिफ्राय डिब्रुगड़ फैनाय जान्थायखौ खमायहोनानै 3 घन्टा समखौबो खमायहोसिगोन।

होखानाय समबादियै आसाम हादोरसानि बिखाजों बोहैबोनाय बुरलुंबुथुर दैमानि गोजौआव लुफुंजानाय दालांखौ हादोरनि गाहाय मंत्री नारेन्ड्र मोडी बिथांआ 25 डिसेम्बर, गोथार क्रिस्तमासनि समखौ “Good Governance Day” हिसाबै बेखेवनानै होबाय। बेजों लोगोसे बिथांआ Tinsukia-Naharlagun Intercity Express रेल गारिखौबो बेखेवनानै होयो, जाय रेल गारिआ से सप्तायाव सान 5 थांलाय फैलाय खालामगोन। बे दालांआ आसाम हादोरसानि साखाथिआव थानाय अरुनाछल प्रदेस हादोरसानि खाबुनि थाखायबो जागोन होन्ना खौरां मोन्नाय जायो।

बुरलुंबुथुर दैमानि गोजौआव लुफुंजानाय बगिबिल दालांनि खाबुफोरा गोबां, बेफोरजों लोगोसे हादोरनि आरो हादोर नाङैनो खना खनला थानाय सुबुंफोरनि गोसोखौ बोनानै दावबायफैनाय एबा टुरिजमनि फारसेबो जौगाखांनाय लाबोगोन। सिन हादोरनि साखाथिआव थानायनि थाखाय भारत हादोरखौ रैखाथिनि बिथिंआव गुबै रल लागोन होन्ना मिथिनो मोन्नाय जायो। बे दालांनि खुन्थियाफोरा जोबोर गोख्रों जायनि जाहोनाव टेंकफोर थांलाय फैलाय खालामनो हागोन आरो बिरकंआबो बिरख्लायनो हागोन होन्ना खौरां मोनबावनाय जायो।

दालांनि माखासे गुबै बाथ्राफोरखौ गाहायाव होनाय जाबाय:

  1. बगिबिल दालांखौ स्वेडेन आरो डेनमार्कखौ फोनांजाबनाय दालांखौ नोजोर होनानै बेनि आदब खायदा आरो मडेलफोरखौ नायनानै बानायनाय जादों। भारत हादोरनि गेजेराव गिबिसिन इउरपियान हादोरनिफ्राय लानाय आदब लानाय मोनसे दालां, जाय दालांखौ बांद्राय रां बाहाया लासे मोजाङै आरो जोथोनै दोन्नो हायो।
  2. बगिबिल दालांआ भारत हादोरनि नैथि गोलावसिन रेल काम रोड दालां। जाय दालांआ 120 बोसोरसिम जेबो जेंना जाया।
  3. बगिबिल दालांनि गाहाय बाहागोआव मोन्नै रेल लामा दं आरो गोजौआव मोनथाम हा लामानि खाबु दं।
  4. बगिबिल दालांखौ लुफुंनो थाखाय 5,900 कौटी रां बाहायनो गोनां जादों, जाय दालांखौ 4.31 कि.मि गोलाव लुफुंनो थाखाय 3,200 रां थि कालामनानै दोनदोंमोन।
  5. बगिबिल दालांखौ लुफुंनो थाखाय थांनाय 22 जानुवारि 1997 माइथायाव बार्ग गाहाय मनट्री HD Deve Gowda बिथांआ अन्थाय खाम्पा गायसंजेनदोंमोन आरो 21 एफ्रिल 2002 माइथायाव बार्ग गाहाय मनट्री अटुल बिहारि भाजपेयी बिथांआ लुफुंनाय खामानिखौ जागायदोंमोन।
  6. गासै 21 बोसोरनि उनाव जारिमिनारि बगिबिल दालांखौ 25 डिसेम्बर 2018 आव हादोरनि गाहाय मनट्री नारेन्ड्र मेडी बिथांआ जोबथायाव बेखेवनानै होयो।

Next Story