हादोरसानि सा 8,800 सरकारि फोरोंगिरिफोरनि दरमाहा बांबाय
गुवाहाटी: हादोरसानि रां बिफाननि मनट्री ड: हिमान्थ बिस्व सर्माया बुङोदि, हादोरसानि सरकारा बोसोरफ्रोमबो नोगोद 600 क्रर रांसोनि गिलिर लेरथायखौ रुजुन्ना लाबाव नांसिगोन, बे बाथ्राखौ जेब्ला UGC आ 8,800 गुबुन गुबुन सरकारि फरायसालिमा, मुलुग सोलोंसालि,मेडिकेल कलेज, आरो तेकनिकेल फरायसालिमाफोरनि साख्रि मावग्राफरेजों लोगोसे बेफेरनि लोगो सोद्रोमाफोरनि दरमाहाखौ बारायनायनि मावथांखि लायो आब्ला बुङो।
बावैसो जालांनाय केबिनेटनि मेलाव थांखि लानायखौ मखनानै बिथांआ बुङोदि, State Exchequer आ बोसोरफ्रोमबो दाजाबदेरनाय रांफोर गासै 116 क्रर रांखौ सरकारि दिग्रि फरायसालिमा, गनायथिजानाय फरायसालिफोरजों लोगोसे लायब्रेरयान फोर आरो गुबुन गुबुन फरायसालि, फरायसालिमा, तेकनिकेल फरायसालिमाफोरनि साख्रि मावग्राफोरनो UGC नि आयेन बादियै होनांसिगोन।
बेनिनो गासै 476 क्रर रांखौ थाबोनाय बोसोरफोरनि थाखाय हरनांगौ होन्नानै बुङो।
