हाबा जाखानाय हौवाया 14 बोसोरनि सासे हिन्जावसाखौ जिनाहारि खालामदों

दिहिं,फेब्रुवारि 20: नगांव जिल्लानि दिहिं टाउन आव 26 बोसोर बैसोनि सासे हाबा जाखानाय हौवाया 14 बोसोर बैसोनि सासे हिन्जावसाखौ थांनाय 19 फेब्रुवारि आव जिनाहारि खालामो। जिनाहारि खालामग्रा दायनिगिरिखौ स्वापन बिस्वास होन्ना सिनायथि मोन्नाय जायो।

खौरांआव फोरमायहरनाय बादिब्ला जिनाहारि खालामजानाय हिन्जावसाया गावनि लोगोफोरजों हाबा जानो थांदोंमोन, बे समावनो हिन्जावसाया स्वपन बिस्वसखौ लोगो मोनो। हाबा जाखांनायनि उनाव न’ फार्से गिदिंलांफिन्नाय समाव स्वपन बिस्वस बिथांआ न’सिम दोनलांनो होन्ना जिनाहारि खालामनायनि थांखि लानानै खाथिनि हाग्राथिं लिंलांनानै जिनाहारि खालामो।

“जेब्ला आंनि गथ’आ हाबा जाखांनायनि उनाव मोनाब्लिनि 9 रिंगासिम न’फार्से गिदिंबोफिनाखैमोन अब्ला जों दुखु जादोंमोन, आरो उसु कुथुयै नारिला बायदोंमोन, बे समावनो खाथिनि हाग्रायाव स्वपन बिस्वसजों लोगोसे फिसाजोखौ गाज्रि थासारिआव नुनो मोनसनो” होन्ना नखरनि सुबुंआ बुङो।

जाथायखौ मिथिनानै थाबैनो दिहिं पुलिसनो खौरां हरनाय जायो आरो पुलिसआ स्वपन बिस्वस बिथांखौ खायो होन्ना ओनसोलनि सुबुंफोरा बुङो।