एजिपि-बिजेपि गोरोबथा जानायखौ जुबिन गार्ड बिथांआ सोंखारियो

एजिपि-बिजेपि गोरोबथा जानायखौ जुबिन गार्ड बिथांआ सोंखारियो

बायहाथा, मार्च 15: मेथाइ रोजाबनानै लाइमोन सेंग्रा सिख्लाफोरनि गोसो बोनो हाग्रा आसाम हादोरसानि मुंदांखा मेथाय रोजाबगिरि जुबिन गार्ड बिथांआ सान्नैसो सिगां लख सभा बिसायखथिखौ नोजोर होनानै असम गन परिसद (एजिपि) आरो खुंथायाव थानाय भारतीय’ जनता पार्टी (बिजेपि) राजखान्थि दोलोंजों फिन खेबसे गोरोबथा जाफिन्नायखौ सोंखारियो।

“एजिपि दोलोआ गोहोनि उखैहाबनाय, बेनिखायनो बिजेपि दोलोजों गोरोबथा जाफिनदों” होन्ना जुबिन बिथांआ गावनि गोजोन्नाय मोनैखौ फोरमायो। सान्नैसो सिगां एजिपि दोलोआ मिरु सरकारनि बिथांखि बादियै नोगोरारि सोदांनाय बिल 2016 खौ हेंथा खालामनानै गोख्रोङै सोमावसारदोंमोन होन्ना बिथांआ दाजाबदेरनानै बुङोदि, “आं सिगांफोराव नोगोरारि सोदांनाय बिल 2016 खौ हेंथा खालामबोनाय बादि आरो इउनावबो हेंथा खालामलांबाय थागोन”।

मखजाथावदि, नोगोरारि सोदांनाय बिल 2016 खौ हेंथा खालामनानै दोलो गावस्रालांनायनि दान मोन्नैसो उनाव आसाम हादोरसायाव लख सभा बिसायखथि सफैनाय लोगो लोगो एजिपि आरो बिजेपि दोलोआ गोरोबथायाव फैफिनबाय। हादोरसायाव लख सभा बिसायखथिखौ एप्रिल दाननि 11, 18 आरो 23 अक्ट’ आव मोनथाम खोन्दोआव रान्नानै खुंफुंगोन आरो फैगौ मेइ दाननि 23 अक्ट’ 2019 आव भट होन्नायनि जौखोन्दोखौ सान्नायजों लोगोसे बिसायखथिनि फिथायखौ फोसावगोन।

Related Stories

No stories found.
logo
Sentinal Assam
bodo.sentinelassam.com