गिबि मंत्री सनवाल बिथांआ मुंख्लंनि नखरनो 20 लाक रांनि अनसुंथाय फोसावो

गिबि मंत्री सनवाल बिथांआ मुंख्लंनि नखरनो 20 लाक रांनि अनसुंथाय फोसावो

गुवाहाटी,फेब्रुवारि 16: सुक्रबाराव हादोरसानि गिबि मंत्री सर्बानन्द सनवाल बिथांआ मुंख्लं मनेस्वर बसुमथारि बिथांनि नखरनि थाखाय 20 लाख रांनि अनसुंथाय फोसावो। फारसेथिं हादोरसा खुंगिरि आरो हादोरसानि गिबि मंत्री बिथांमोनहा मुंख्लंनि नखरनि जानानै दुखुनांथाव गाग्लोबनाय आरो जिउ फोजोबनाय जाथायखौ दुखुमोन्नाय फोरमायो।

हादोरसा खुंगिरि जगदिस मुकी बिथांआ दुखुनांथाव जाथायखौ गोख्रों रावजों सोंखारिनानै बुङोदि, “हादोराव उदखार हाबा मावनायफोरखौ फोजोबनो खौसे जानांगौ, दिना बिथांमोनि आगोमा जिउआ मुंख्लं जानायाव हादोरनाङैनो दुखुमोनदों, आरो साफ्रोमबो हादोरनि सान्थौगिरि बिथांमोनहा सोंखारिनांगौ, आयेन बेरेखा उदखार हाबा मावनायफोरखौ फोजोबनो गोख्रोङै नाजानांगौ”।

गिबि मंत्री सनवाल बिथांआ बुङोदि, बेफोरबादि इनाय हाबा मावनाया भारतीय’ रौनिया हान्जानि सैथोथिखौ फोजोबनो हाया। बिथांआ मुंख्लं जालांनाय नखरनिजानानै गोथौ दुखुमोन्नाय फोरमायो आरो जाय बिथांमोनहा दुखुनांथाव जाथायजों जखम जानांदों बिथांमोनहा थाबैनो मोजांआव फैगोन होन्ना ईसोरनि खाथिआव आरज गाबनाय फोरमायो।

बसुमथारिनि मुंख्लं जानाया हादोरनाङैनो गोसोखांजागोन, बिथांमोनि मुंख्लं जानाया हादोर रैखाथि होगिरि बिथांमोनि गोसोखौ राफोदनिफ्राय राफोदसिन खालामगोन आरो उदखारिफोरनि बेरेखायै नांनाया गोख्रोंसिन जालांगोन होन्ना बिथांआ बुंबावो।

Related Stories

No stories found.
logo
Sentinal Assam
bodo.sentinelassam.com