लक्किम्पुर,जुलाइ 10: नावबायचा रिभेनिउ सारखोलनि सिङाव दै बानाया इसे खमायदोंब्लाबो ओसोलि दै बानाजों गाज्रि गोहोम गोग्लैनाय सुबुंफोरा जेंनायाव दासिमबो फुगिनांगासिनो दं होन्ना खौरां मोनो। गाज्रि रोखोमनि हाफोर जेरै हाब्रु, बाला, आरो अन्थायफोरा न’आव आरो न’नि साखाथि फाखाथि दै बाना रानलांनायनि उनाव साग्लोबजोबना दं आरो गोबां सुबुंफोरा रिलिप थाखुलियाव आरो लामानि गोजौ हा बाहागोफोराव दं होन्ना मिथिनो मोनो।
रादाब मोन्नाय बादिब्ला गासै मोन 10 गामिफोरा दासिमबो दैनि सिङाव दं मानोना लक्किमपुर जिल्ला खुंथायनि दै बिफाना दासिमबो खामानिफोरखौ मावफुंनो हायाखै होन्ना खौरां मोनो।
