गुवाहाटी,जुन 27: बंगाइगाव जिल्ला स्रिजानग्राम सोलोंथाय ब्लकनि सिङाव थानाय दुमुरिया पिकनाफारा गुदि फरायसालिनि फोरोंगिरिफोरा फोरोंनायनि थासारिफोरखौ मोजांसिन खालामनो थाखाय द्रेस सुहोनानै गानजेन्नो हमबाय।
गोग्लैसोनानै थानाय बंगाइगाव जिल्ला स्रिजानग्राम सोलोंथाय ब्लकसिंनि पिकनाफारा एल.पि फरायसालिनि फोरोंगिरिफोरा सोलोंथाय बिथिंआव सोलायनाय लाबोनो बिथांमोनहा थांखि लाना बयबो एके रोखोमनि द्रेस गानो।
बे थांखि लानाया फोरोंगिरिफोरनि खौसेथिजों लोगोसे मोजां हारिमु लाबोदों आरो फरायसाफोरा मोजां फिथाय मोनजागोन होन्नानै फरायसालिनि गाहाय फोरोंगिरि सिरकात हुसेना बुङो। बिथांआ बुंबावोदि- गोबां Private फरायसालियाव हरनाय गथसाफोरनि बिमा बिफाफोराबो सरकारि गुदि फरायसालियाव हरनो गोसो जागोन लोगोसे फरायसालिनि आब्रुथि आरो बोसोनफोरखौ नुनानै गोजान गोजाननि बिमा बिफाफोराबो बे फरायसलियाव मुं थिसनदों होन्ना बिथाङा बुंबावो।
