कलकाता: सोनाब बेंगलनि गिबि मनट्रीखौ आसामनि गुबुन गुबुन जायगाफोराव थानाय पुलिस थानायाव मुगैलायनाय खौरां फोसावनायनि जाहोनाव नालिस होखांनायनि लोगो लोगो ट्रीनामुल कंग्रेसनि आयेन दागिरिफ्रा आसामनि गिबि मनट्रीखौ सिलचरनि जाथायखौ लानानै पुलिसनो नालिस होयो। स्तेट एसेमब्लिनि लेजिसलेटर माहुवा मयथ्राया आलिपुर पुलिस थानायाव नालिस होयो आरो फारसेथिं लख सभा मेम्बार काकलि घोस दासथिदार आरो ममता बाला ताकुर बिथांमोनहा नेताजि सुबास चन्द्र बस इंथारनेसनेल उरां बाग्रानि पुलिस थानायाव नालिस होयो।
बिथांमोनि नालिसनि फारिलाइआव दंमोनदि, ब्रिहस्पथिबाराव सिलचरनि कुमबिरग्राम उरां बाग्रायाव “पुलिसा आयेन बेरेखायै हमथादों, आखायजों लाखिदों, आरो हेरेसमेन खालामदों होन्नानै नालिस होयो।
