भारत हादोरा गोहो दं होन्नानै बुहुमाव मिथिजाबाय: राम नात कभिन्ड

भारत हादोरा गोहो दं होन्नानै बुहुमाव मिथिजाबाय: राम नात कभिन्ड

गुवाहाटी,नवेम्बर 30: भारतनि हादोरगिरि राम नात कभिन्ड बिथांआ ब्रिहस्पथिबाराव गुवाहाटी नोगोरमानि साखाथिआव थानाय बरजाराव थानाय Air Force Station नि Air Defense College आव फैनानै बिथांआ बुङोदि, भारत हादोरा फारफ्रोमबो बिथिंआवो गोहो थानायनि थाखाय बुहुमाव मिथिजाबाय, जाय गोहोआ हादोरनांआरि रैखाथि होनाय, बेफार फालंगि खालामनाय आरो बायदि बायदि खामानिफोराव हेफाजाब होगासिनो दं।

“आं बावैसो भेटनाम आरो ऑशट्रलिया हादोराव थांनानै फैबाय आरो मोन्नैबो हादोरनि दैदेनगिरिफोरजों बायदि बायदि बिथिंनि सायाव सावरायनाय जादों, जाय सावरायनायनि गेजेरजों मिथिनो मोन्नाय जायोदि भारत हादोरखौ दिनै बुहुमनि सुबुंफोरा गोहो गोनां होन्नानै मिथिजाबाय” होन्ना बिथां कभिन्डआ बुङो।

बिथांआ Air Force Station नि Air Defence College आव 188 हेलिकप्तार बिफानखौ बेखेवनाय आरो गाब (Colours) होनायफोरखौ फोसावनाय हाबाफारिआव बाहागो लाफैदोंमोन।

Related Stories

No stories found.
logo
Sentinal Assam
bodo.sentinelassam.com