मेट्रिक आन्जाद आरो आसाम हाइ माड्रासा आन्जादनि थाखाय गोदान आयेन, 14 फेब्रुवारिनिफ्राय आन्जाद

मेट्रिक आन्जाद आरो आसाम हाइ माड्रासा आन्जादनि थाखाय गोदान आयेन, 14 फेब्रुवारिनिफ्राय आन्जाद

गुवाहाटी,डिसेम्बर 18: हादोरसानि आन्जाद खुंगिरि बर्ड अव शेकेन्डारि ईडुकेशन, आसाम (SEBA)आ फैगौ हाइ स्कुल लिविं चार्टिपिकेट आरो आसाम हाइ माड्रासा आन्जाद एबा मेट्रिक आन्जादनि जोबथा आन्जादखौ फैगौ बोसोरनि फेब्रुवारि दाननि 2थि सप्तानिफ्राय खुंफुंनो साखाफारा।

खौरां मोन्नाय बादिब्ला मोनफ्रोमबो आन्जादनि मिरुफोराव रोखा नुथायनि सीसीटीभि (CCTV) केमेरा थागोन, बेजों लोगोसे आन्जादनि थाखाय आन्जादआव जिरायग्रा बिजाथि आरो आन्जाद नायगिरिफोरनि थाखाय गोदान आयेन फोसावनानै होयो।

थांनाय सनिबारखालि मोनफ्रोमबो जिल्लानि आडिभिद्या परिसदजों लोगोसे SEBA बर्ड नि बिफाना आन्जाद लानाय आरो नायनायनि सोमोन्दै गुवाहाटीआव जथुमा लानानै सावराय मेल खुंफुङो। बे सावराय मेलाव जिल्ला प्रग्राम ऑफिसार, आन्जाद मिरुनि सामलायगिरि, आरो SEBA बर्डनि गुबुन गुबुन बिफान्नि सोद्रोमाफोरा बाहागो लादोंमोन होन्ना मिथिनो मोनो।

SEBA बर्डनि गाहाय (Chairman) राकेस जैन बिथांआ बुङोदि “फैगौ 2019 माइथायनि HSLC/AHM आन्जादनि थाखाय आन्जाद नायगिरि आरो आन्जाद होगिरिफोरनि थाखाय माखासे गोदान आयेन थिसनगोन। मोनफ्रोमबो आन्जादनि मिरुफोराव रोखा नुथायनि सीसीटीभि (CCTV) आ थागोन। आन्जादनि मरु सिङाव जानबुं एबा मोबाइल पोनखौ बाहायनो मोना। आन्जादनि थाखाय गोसोम गाबनि रेबगन एबा कलमखौसो बाहायनो हागोन” होन्ना बिथांआ बुंबावो।

SEBA बर्डनि गाहाय नेहाथारि सुरान्जाना सेनापती बिथांआ बुङोदि बे बारनिफ्राय आन्जाद नायगिरिआ गाव गावनि सहिखौ गुसुङै होनो मोनला, नाथाय गावनि आबुं मुंखौ लिरनो नांगोन। बिथांमोनहा आन्जादहोगिरिफोर लादेरनाय बिलाइ (additional sheets) नि सोमोन्दै होखानाय बाक्सुआव लिरनानै होनांगौ जाय बाक्सुआ गिबि बिलाइआवनो रोखायै होनाय जादों। बे बोसोराव गासै 3.57 आन्जादनि बिजाथिफोरा गासै मोन 857 आन्जादनि मिरुफोराव जिरायगोन, आन्जादनि समाव मोनफ्रोमबो जिल्ला खुंथाय आरो जिल्लानि पुलिसफोरा लोगोआव थागोन” होन्ना बिथांआ बुंबावो।

बर्ड अव सेकेन्डारि इडुकेसन, आसाम (SEBA) या दिनै (मंगलबार) फोसावनाय बादिब्ला 10 थाखोआव फरायफुबाय थानाय फरायसाफोरनि थाखाय जोबथा मेट्रिक आन्जाद एबा हाइस स्कुल लिविं चार्टिपिकेट (HSLC) आन्जादआ फैगौ 14 फेब्रुवारि 2019 माइथायनिफ्राय जागायगोन आरो मोनफ्रोमबो बिफान्नि आन्जादफोरा 2 मार्च दानाव जोबहैगोन।

खौरां मोन्नाय बादिब्ला हादोरसायाव गासै मोन 457 मिरुफोराव आन्जादखौ खुंफुंगोन आरो गासै 3,57,000 फरायसाफोरा आन्जादआव जिरायगोन होन्ना मिथिनो मोनबावनाय जायो।

Related Stories

No stories found.
logo
Sentinal Assam
bodo.sentinelassam.com