सोशल मीडियाखौ आयजोफोरनि बेरेखा बाहायगासिनो दं: ASCW

सोशल मीडियाखौ आयजोफोरनि बेरेखा बाहायगासिनो दं: ASCW

गुवाहाटी,अक्टबर 1: माखासे सान्नो हायै सुबुंफोरा सोशल मीडिया आरो गुबुन गुबुन गोनखोआरि मुवाफोरखौ ओयजोफोरनि मान-सन्मानफोरखौ सिफायनो बाहायगासिनो दं होन्नानै Assam State Commission for Women आ बुङो।

ASCW नि गाहाय चिकिमिकि टालुक्दार बिथांआ सेंन्टिनेलनि खौरांगिरिनि सिगांआव बुङोदि, जेब्ला सोशल मीडियाआ आयजोफोरनि थाकाय माखासे गुबुन गुबुन खामानिआव हेफाजाब होबोगासिनो दं, नाथाय फार्सेथिं माखासे सुबुंफोरा आयजोफोरनि मान-सन्मानफोरखौ सिफायनानै गुबुन लामायाव बाहायनायजों लोगोसे देहायारि आरो मेन्टेलि गाज्रि खालामबोगासिनो दं होन्ना बिथांआ बुङो।

बेफोरनि गेजेरजों Blackmail खालामनो थाखाय Pornography आरो सिगि-सग’जों लोगोसे साबजाथाबै आखुथायफोरा नुजाथिगासिनो दं होन्नानै बिथांआ बुंबावो।

आयजोफोरनि सुबुंखांन्थि आरो मान-सन्मानफोरखौ रैखाथि होनो थाखाय बेफोरनि बेरेखा आरो सोशल मीडियाजों लोगोसे गुबुन गुबुन गोनखोआरि मुवाफोरनि बेरेखा गोख्रों आयेन नांगौ होन्नानै बिथांआ दाबि दैखांबावो।

Related Stories

No stories found.
logo
Sentinal Assam
bodo.sentinelassam.com