गुवाहाटी: मिरु सरकारनि मावथांखि बादियै आसाम हादोरा 2019 मार्चनि उनाव 24x7 मोब्लिब गोहो हरजोबनो हागोननि फारसे जेबो बुंनो हाया।
हादोरसानि गोहो बिफाना मिरु सरकारिनि गोहो बिफाननि मनट्रीनो आसामनि मोब्लिब गोहो बिथिंनि जेंनाफोरखौ फोरमायहरनानै मिथिहोहरखाबाय। आसाम हादोरसाया गोबां जेंनाफोरजों मोगा मोगि जादोंब्लाबो हानायमानि बेफोर जेंनाफोरखौ थाबैनो फोजोबनो जुजिगासिनो दं होन्ना खौरां मोन्नाय जायो।
आसामाव मोब्लिब गोहो सोंनाय खामानिआ जोबोद गोरा मोनसे खामानि, बे खामानिखौ 2019 मार्चनि सिगां फोजोबनो हानाया गोरलै बाथ्रा नङा आरो बेनि फार्से बुंनो हाया होन्नानै खौरां मोनबावनाय जायो।
“जुदि आसामनि जेंनाफोरखौ गिबिआवनो फोजोबनो हाया, अब्ला मिरु सरकारनि थिखानाय समआव खामानिखौ फोजोबनो हानाय नङा, बेनिखायनो आसाम सरकारा भारत सरकारनिसिम मिथिहोहरनाय जायोदि, जुदि आसाम हादोरा 24x7 मोब्लिब गोहो हरनो हाया अब्ला जाहाथे जोबथि सम होआ” होन्ना हादोरसा गोहो बिफाननिफ्राय सेंन्टिलनि खौरांगिरिनि सिगांआव फोरमायो।
मखनो गोनांदि, मिरु सरकारा हादोराव थानाय मोनफ्रोमबो हादोरसाफोरखौ फैगौ बोसोरनि 2019 माइथायनि मार्च दाननि सिगां मोनफ्रोमबो जायगाफोराव 24x7 मोब्लिब गोहो मोन्नांगौ होन्ना सम खानानै होदों। जुदि बबेबा हादोरसायाव जाहोन गैयाबालानो लद सेडिं जायोब्ला जुरिमाना फोनांनाय जागोन होन्नाबो हादोरसा सरकारनो मिरु सरकारा खौरां हरदों।