NDFB(P) आरो NDFB(R) नि सावरायज्लायनाया मिरु सरकारजों फिन जाफिनो

गुवाहाटी,जुन 26: थाम बोसोरनि उनाव थांनाय समबाराव NDFB नि मोननै हान्जा NDFB(P) आरो NDFB(R)आ गोदान दिल्लीनि North Block आव मिरु सरकारजनि Interlocutor AB Mathur जों सावरायज्लायो। बे सावरायज्लायनायाव NDFB नि दाबिफोरखौ बिथा खालामनानै मोनफा मोनफा रायज्लायो। “गोबाव सम थामबोसोरनि उनाव जों जयै Interlocutor Level सिम रायज्लायनो फैनानै जोंनि दाबिनि सायाव रायज्लायो लोगोसे सरकारआबो जोंनि दाबिफोरखौ मोजाङै खोनासंदों आरो सरकारा दाबिफोरनि सायाव फिन खेबसे सानगोन होन्ना मिथिहोयो” होन्ना NDFB (P)नि गाहाय नेहाथारिया बुङो।

मिथिनो गोनांदि Interlocutor AB Mathur आ गोहोआव थानानै बेनो NDFB जों सेथि खेबनि थाखाय सावरायज्लायनाय।

रनजन दैमारि एबा दि.आर नाब्लाया NDFB(R) नि सावरायज्लायनायखौ दैदेनो। आलादा रायजो बदलैडखौ बिथा खालामनानै बिथाङा बुङोदि- जों थाबैनो थार बिजिरनायखौ मोनगोन होन्ना आसा खालामदों, जों जोंनि मोन 18 दाबिफोरखौ लानानै जमा होदों आरो NDFB (P) आ मोन 20 दाबिफोरखौ लानानै जमा होदों, लोगोसे जों दिनैनि रायज्लायनायाव जों मोनफ्रोमबो जेंनाफोरखौ लानानै मोनफा मोनफा सावरायदों होन्ना मिथिहोयो। जों जोंनि आलादा रायजोखौ लानानै सावरायो जेराव जों बिदा फंबाय अनज्लानानै सन्मान होलायनानै जोंनि राजखान्थि, रांखान्थि आरो समाजखान्थिफोरनि डिसिचनखौ जों लानो होयो होन्ना बिथां दैमारिया खौरांगिरिफोरनि सिगांआव बुंबावो।

आयेन बेरेखा गुबुनारिफोर हाबफैनायनि सायाव बिथांआ बुङोदि- “आयेन बेरेखायै गुबुनारिफोर हाबफैनायनि थाखाय जोंनि सिनायथि आरो थामोन्थाया गिथावना जाना दं, जों गोबाव समनिफ्रायनो आयेन बेरेखायै हाबफैनायफोरनि हेंथायै नांबोगासिनो दं नाथाय NRC आ मोनसे आयेन बादियै गुबुनारिफोरखौ मिथिनो थाखायल’ नाथाय बेयो थागिबि सुबुंफोरनि जेबो खालामनो हाया होन्ना बिथाङा बुंबावो।

NDFB (P) निफ्राय आफादगिरि बि.सुंथाग्रा, नेहाथारि गबिन्दा बसुमथारि, लोगो नेहाथारि आई.दैमारि, जुदिसियेल नेहाथारि सिला बसुमथारि, फाब्लिसिथि नेहाथारि एस. सानजारां, बिथांमोनहा बाहागो लादोंमोन। NDFB(R) निफ्राय दैदेनगिरि रन्जन दैमारि, गाहाय नेहाथारि बि.अनजालु, लोगो गाहाय नेहाथारि बि.दानसोरां, आरो फाब्लिसिथि नेहाथारि बि.अखाहादै बिथांमोनहा बाहागो लादोंमोन।