गाहाय रादाब

गसायगाव एन आर सि हेंथायै टि एम सि नि खुद्रिसार हान्जा सुरदों

टि एम सि

 

गुवाहाटी, 9 सेप्टेमबर : आसाम बेंगल सिमनानि माहारिनां राजालामा नं 31 आलिपुर जिलानि बारभिसा मुंनि थावनियाव ट्रिनुमल कंग्रेस पार्टि सुंदयै टि एम सि आ रबिबार खालि गंसे खुद्रिसार हान्जा सुरदों । गासै 5,000 निबो बारा मददगिरिफोरा बाहागो लाफानाय खुद्रिसार हान्जा सुरनाय हाबाफारिखौ फिरफिला फिदिंना बेखेवना होयो आलिपुर जिला टि एम सि नि आफादगिरि म्रिदुल गस्वामीजों लोगोसे सांसद दुसरथ तिर्की, हान्जानि दैदेनगिरि जेम्स कुजुर , स्वपन कुजुर आरो गोबां।

आलिपुरदुवार जिला टि एम सि नि आफादगिरि म्रिदुल गस्वामीया खौरांगिरि जों मुगा मुगि जानाय बुब्लियाव गावनि बिबुंथियाव बुंदोंदि सोनाब बंग नि गिबि मन्थ्रि आरो ट्रिनुमल कंग्रेस पार्टि नि आफादगिरि ममता बेनार्जीया नोगोरारि सोदांनाय फारिलाइ गिबि साननिफ्रायनो हेंथा खालामदों आरो गसंथेदों। नंगुबै भारतारि नोगोरारिनि मुं एन आर सि फारिलायाव मुं दानजानायखौ सोंखारियो आरो बेंगलि सुबुंफोरखौ एन आर सि नि मुंआव अत्यासार खालामनायखौ थाबैनो बन्द खालामनो बिजेपि दैदेननाय मिरु आरो राज्यो सोरखारखौ गारांसेयैनो हुमखि होयो। रायदावनो गोनांदि मिरुनि खुंथाइ गोहोयाव थानाय बिजेपि दोलोआ एन आर सि खौ लानानै दोलोआव सुबुं हाबसननायनि फाव फान्दायदों होनना गोख्रों अजद दैखांङो। बिजेपि सोरखारा नोगोरारि सोदांनाय फारिलाइ गुसुंङै एन आर सि नि नाम लानानै ब्लेकमेइल अदेबानि खैसार खालामदों । आयेन बेरेखायै हाबसनफैनाय गुबुनारिफोरखौ एन आर सि याव हाबहोदों।

 

Also Read: गनायथि मोनै कलेजनि हेंथायै आसाम गेजेरारि जौसिन फरायसालि गौथुमा मोनसे मावथांखि लागोन

Also Watch: Former Chief Minister of Assam Tarun Gogoi addresses media in Jorhat |The Sentinel News | AssamNews

Recent Comments