बिक्सिंनि बिमा मेरि खमखौ हादोरनाङैनो बयबो बाखोनायदों

गोदान दिल्ली/गुवाहाटी,नवेम्बर 26: बुहुमनां बक्सिं चेम्पियनचिपआव आयजो माहारिनिफ्राय गिबिसिन 6थि सनानि मेडेल मोन्नो हानायनि थाखाय भारत हादोरनि सिङाव थानाय मनिपुर हादोरसानि बक्सिंनि बिमा मेरि खम बिथांखौ हादोरनाङैनो बाखोनायदों आरो बरायदों।

बिथांखौ बरायगिरि गेदेमा बिथांमोनहा जाबाय फारियै- हादोरगिरि राम नात कभिन्ड, गाहाय मनट्री नारेन्ड्र मोडी, मिरु सरकारनि गेलेमु मनट्री राज्यभर्डन राटर, आरो आसाम हादोरसानि गिबि मनट्री सर्बानन्द सनवाल।

बिथांमोनहा गाव गावनि सुबुं सावस्रि एबा शसियेल मेडियानि गेजेरजों बायदि बायदि रावजों बाखोनायो। बेबादिनो भारत हादोरनि हादोरगिरि राम नात कभिन्ड बिथांआ टुयेटारनि गेजेरजों बुंङोदि- “Congratulations @MangteC, icon of Manipur and of India, for winning the Women’s World Boxing Championship for the sixth time. May this moment inspire our girl-children to aspire, to attempt and to achieve #PresidentKovind,”।