गिबि मन्थ्रि सर्बानन्द सन'वाला केब, गुबुन गुबुन आयदानि सायाव गाहाइ मन्थ्रि नरेन्द्र मडिखौ लोगो हमगोन

Guwahati : आसामनि गिबि मन्थ्रि सर्बानन्द सन'वाल बिथांखौ हादोरसानि सिङाव सोलिबाय थानाय माखासे जेंना जेंगोनाखौ सुस्रांनायनि थाखाय साखा-फारा जानायखौ नुनो मोननाय जादों। बेनि बाहागो महरै मंगलबार खालि हादोरनि राजथावनि गोदान दिल्लीआव सोहैयो, गाहाइ मन्थ्रि नरेन्द्र मडिखौ लोगो हमनानै नोगोरारि सोदांनाय बिल 2019, नागा गोजोन सावराय गोरोबथायाव आसामनि हा जेंना, नुमलिगड़ थाव सोदांसालि लिमिटेड फसंथानखौ गावारि खोन्दोआव गथायनाय आरो गिदिर दै बान्दो लुफुंनाय लोगोसे गुबुन गुबुन दाबि दावाखौ लानानै सावरायलायनायनि खोथा।

मोनसे फोथायथाव सुलुंनिफ्राय मोनथिनो मोननाय खौरांनि बादिब्ला गिबि मन्थ्रि सर्बानन्द सन'वाल बिथांआ गाहाइ मन्थ्रि नरेन्द्र मडिखौ दिनै अदेबानि बुधबाराव लोगो हमहैगोन। मख'जाथावदि आसामनि माखासे सिगां सारिनि दोलो आफाद फारियै दुलाराय आसाम फरायसा आफाद( All Assam Student Union) , असम थुनलाइ आफाद (Axom Xahitya Xabha) जों लोगोसे गुबुन गुबुन गौथुमनि दैदेनगिरि मावथि फारिया मोना थोंजोङै आसामाव दुंहाव थासारि सोमजिनायाव सन'वालखौ गोसो गोर्बोजों गोनांथि नायनांगौनि दाबि खालामफैदों। गाहायै गिबि मन्थ्रि सर्बानन्द सन'वालनि नुमलिगड़ थाव सोदांसालि लिमिटेड फसंथानखौ गावारि खोन्दोआव गथायनाय आरो गिदिर दै बान्दो लुफुंनाय, नोगोरारि सोदांनाय बिल 2019 बेफोर आयदानि सायाव गोथौयै नायबिजिरनायखौ राज्यो-राजाया नागिरदों।

दुलाराय आसाम फरायसा आफाद ( All Assam Student Union) आ दासिम हालागै हादोरसानि राजथावनि नोगोरमा गुवाहाटी जों गुबुन गुबुन जिलानि गाहाइ गाहाइ जायगायाव राव हारिमु थुनलाइ थामोन्था फोजोबस्रांलु आइन नोगोरारि सोदांनाय बिल (Citizenship Amendment Bill) 2019 खौ बोखारनो थाखाय मोनसे समनि फरायसा दैदेनगिरि आरो दानि गिबि मन्थ्रि सर्बानन्द सन'वाल बिथांखौ राज्यो-राजानि गाहाम साननानै नांगौथार आगान लानो खावलायदों।

गाहायै गिबि मन्थ्रि सर्बानन्द सन'वाल बिथांखौ मिरु सोरखारनि मददाव राज्योआरि खोन्दोनि दारिमिन फसंथान नुमलिगड़ थाव सोदांसालि लिमिटेड (NRL) खौ गावारि खोन्दोआव गथायनाय आयदायाव आखाइ होनायखौ गोसो गोर्बोजों सावरायनायनि थाखाय गुरैयै दाबि दैखांदों। मानोना बे जारिमिनारि फसंथाना आसामनि राज्यो-राजानि जांख्रिखांनायनि जाफुंसार फिथाइ महरै मोननाय मोनसे सिनायथि। जेराव जायगायारि सुबुंजों लोगोसे राज्यो-राजानि सिमां मोगथाङाव जाफुंनाय खोथा आरो जारिमिनारि आसाम गोरोबथानि फिथाइ महरै मोननाय जाफुंसार फिथाइ। असम थुनलाइ आफादनि दैदेनगिरि थान्दै हान्जाया गिबि मन्थ्रि सर्बानन्द सन'वाल बिथांखौ मिरु सोरखारनि जोहै राज्योआरि खोन्दोनि दारिमिन फसंथान नुमलिगड़ थाव सोदांसालि लिमिटेड (NRL) खौ गावारि खोन्दोआव गथायनाय आयदायाव आखाइ होनायखौ गोसो गोर्बोजों सावरायनायनि थाखाय गुरैयै हांख्रायहरदों।

नागा गोजोन सावराय गोरोबथा मिरु सोरखार आरो नागा उदखारि हान्जा एन एस सि एन (आइ एम) नि गेजेराव सोलिबाय गोजोन मिथिंखौ जथुमनायखौ लानानै नागालेण्ड हादोरसा नांजाबनाय आसामनि सिमनायारि जिलानि राज्यो-राजाया सिगिनायनि मोनबो जाहोन गैया। जोंनि सोरखारा राज्यो-राजा बेरेखा खामानि मावा। लोगोसे हाथियार दोन्थ'नाय एन डि एफ बि उदखारि सोद्रोमानि फिन सुफुंथाइ राहा होनाय आयदानि सायावबो गिबि मन्थ्रि सर्बानन्द सन'वाल बिथांआ सावरायनाय जागोन होन्ना फोरमायदों।

Also Read : कारनिख्रैइ बांसिन थरनै गोनां गारिया बार गुबुंनाय सोमजियो टेरिनि बिजिरसंनायाव सोरांआव फैदों

Also Watch: Alleged Illegal Coal Mining in Margherita turned into nightmare for Workers of ANE Mining Company