आसामाव दै बानानि जेंना

गुवाहाटी,जलाइ 6: सा आसामाव आरो अरुनाचल हादोरसायाव अखा हाबायथानायनि जाहोनाव जियाडल, खुमाथिया, खारहा, आरो चारिखरिया दैमाफोरा लक्किमपुर जिल्लायाव थानाय दाखुवाखना दालाय बिफाननि सिंजों दैमाफोरा फिन बोहैफिनबावो। जायनि जाहोनाव सुबानसिरि रिभेनिउ चारकोलनि सिङाव बुथबारनिफ्राय नैथि खेबनि थाखाय दैबाना सोमजियो। गिबि दैबानायाव NC महबाल आरो माजि पथार गामिफोरा गाज्रि रोखोमै गोहोम गोग्लैदोंमोन।

सा-लक्किमपुराव दैबानाया मोन 3 रिभेनिउ चारकलनि गेजेराव गासै 23 रिभेनिउ गामिफोराव गोहोम खोख्लैदों। दैबानाया गासै 89.3 हेक्तर आबादफोरखौ खहा खालामबाय। नावबायसायाव 78.03 हेक्तर आरो बिफुरियाआव 11 हेक्तर गासै 25,560 सुबुंफोरनिथाखाय जिल्ला खुंथाया मोन नै रिलिफ केम्प लुनानै होयो।खुथाया गासै 104.82 कु.त. माइरं, 19.60 कु.त. दालि, आरो 5.87 कु.त. संक्रि लोगोसे 55 पेकेत Cerelac आरो गुबुन गुबन गोनां जानाय मुवाफोर बिथांमोनो हरनाय जायो। मेडिकेलनि थाखाय बेबस्थाबो खालामनाय जायो।