इस्लामाबाद: क्रिकेट गेलेगिरि इमरान खानआ राजखान्तिआव बारबाय। सुक्रबाराव जानाय पाकिस्ताननि जेनेरेल बिसायखथिआव इमरान खान बिथांआ पाकिस्तान तेहरिक-इ-इनसाप (PTI) हान्जानि जानानै बिसायखथि गेलेना 22 थि गाहाय मनट्री हिसाबै सायख’ जाबाय।
बिथां खानआ लवार हाउसनि गासै मोन 272 भटनि गेजेराव मोन 176 भट मोन्नानै दोरहानो हायो। फारसेथिं बिथांनि बेरेखा हान्जा पाकिस्तान मुसलिम लिग-नावाजस हान्जानि सेहबास सारिफआ मोन 96 भट मोन्नानै जेन्नो गोनां जादों होन्ना एसेमब्लिनि बुंथिगिरि आसाद खायसेर बिथांआ मिथिहोयो।
इमरान खान बिथांआ सनिबारआव पाकिस्तान हादोरखौ दैदेनलांनो थाखाय समायखिरा लागोन।
पाकिस्ताननि थामथि गेदेरसिन हान्जा, पाकिस्तान पिपल्स पार्टिआ (PPP) पाकिस्तान मुसलिम लिग-नावाज हान्जाखौ मदद होनायनिफ्राय बिसायखथिनि सानसे सिगां जानगाराव थादोंमोन होन्ना खौरां मोन्नाय जायो।