टंला,नबेम्बर 5: उदालगुरि जिल्लायावा थानाय कालायगांव बियाबनि खाथि काछारिटल गामिआव फिथाय-सामथाय आरो दिहुन्नाय खामानिफोरखौ आयजोफोरनि आखायाव रोंगौथि होनो थाखाय बा सान गोलाव समनि हाबाफारि लानानै ट्रेनिं एबा फोरोंथाय होनाय हाबाफारिआ जोबनानै थांबाय।
बे हाबाफारिखौ उदालगुरि जिल्ला क्रिसि बिगियान केन्द्र (KVK) आ जरहात जिल्लायाव थानाय Assam Agricultural University एबा आसाम क्रिसि मुलुग सोलोंसालिजों लोगो नांनानै जुथायै हाबाफारिखौ मावफुंङो।
बे हाबाफारिआव उदालगुरि जिल्ला KVK नि ड: पल्लबि देखा आरो पम्पि बरा बिथांमोनहा सुबुंथिनि थान्दै हिसाबै बाहागो लायो। ट्रेनिंनि गेजेरजों बोथोरनि फिथाय आरो गोखै फिथायफोरखौ माबोरै दोनथुमनो हायो बेफोरमि फारसे आयजोफोरनि गेजेराव गियान होयो होन्ना मिथिनो मोन्नाय जायो।