गुवाहाटी: मंगलबाराव दुलाराय आसाम फरायसा आफाद (AASU) आ बुङोदि, बुधबाराव गाहाय मनट्री नारेन्द्र मोदीआ जारिमिनारि रेद पर्दनिफ्राय उदांस्रि साननि बिबुंथिनि गेजेरजों आसामआव आयेन बेरेखायै थाफैनाय बांग्लादेसिफोरनि बेरेखा दावहा फोसावनो हानाय गोहोआ थानांगौमोन।
“1985 माइथायनि 15 आगस्तआव भारतनि गाहाय मनट्री राजिब गान्डिआ रेद पर्दनिफ्राय उदांस्रि साननि बिबुंथिनि गेजेरजों जारिमिनारि आसाम गोरोबथा (Assam Accord) आव सहि होनायनि बाथ्राखौ बुंनानै द’ बोसोर गोलाव सम आसाम गुबुनारिफोरनि सोमावसारनायखौ फोजोबदोंमोन, नाथाय 33 बोसोर बारलांब्लाबो जोंबाय थानाय गुबुनारिफोरिन जेंनाखौ दासिमबो फोजोबाखै, ब्निफ्राय मिथिनो मोनोदि दिल्लीआव थानाय सरकारा आसामनि राजखान्थिआव गोसो गोया, बेनिखायनो दानि सोलिफुनाय गाहाय मनट्री नारेन्द्र मोदीआ रेड पर्दनिफ्राय बुंनांगौमोनदि- आसामनिफ्राय साफ्रोमबो बांग्लादेसिफोरखौ हमनो आरो दैथाय हरफिन्नो” दुलाराय आसाम फरायसा आफादनि बोसोनगिरि ड: सामज्जल बाथाचार्यआ बुङो।