जौसिन बिजिरसालिआ दिनै एन.आर.चीनि सोमोन्दै मिथिहोगोन

गुवाहाटी,सेप्तेम्बर 5: हादोरसानि आबुं एन.आर.ची सोदांनायाव माखासे जेंना सोमजिनायनि जाहोनाव एन.आर.ची कर्दिनेटर प्रटिक हाजेला बिथांआ गोदानै रि-भेरिफिकेसन खालामफिन्नो थाखाय भारतनि जौसिन बिजिरसालिआव गसर थिसनदोंमोन। बेनिनो फिन्नाय बादियै गुदि गोजौ बिजिरसालिआ दिनै गावनि मोनदांथिजों लोगोसे गुबुन गुबुन बिबानगिरिफोरनि मोनदांथिखौ गानायनाय एबा गनायैनि सोमोन्दै मिथिहोनो आखायाव लादों।

खौरां मोन्नाय बादिब्ला एन.आर.चीनि बिबानगिरिआ 10 जौखोन्दो आबुं एन.आर.चीनि जोबथा फारिलाइआव ओंखारनाय सुबुंफोरनि मुंखौ गोदानै रि-भेरिफिकेसन खालामफिनगोन।

हादोरसा एन.आर.ची खर्दिनेटर प्रथिक हाजेला बिथांआ रि-भेरिफिकेसन खालामनायनि खामानिफोरा माबादि जानांगौ आरो सुफुं बिलाइआव माबादि लिरनांगौ बेफोरनि सोमोन्दै बिथांआ मडेलिटिफोरखौ जौसिन बिजिरसालिनो जमा होखाबाय होन्ना मिथिहोयो।

गासै गोदानै रि-भेरिपिकेसनाव सा 2,89,83,668 लाख सुबुंफोरनि गेजेराव सा 29 लाख सुबुंफोरखौ नायबिजिरगोन होन्नाबो खौरां मोन्नाय जायो।