थाखो मोनब्रै गोजौ बिलदिंनिफ्राय गोग्लैना जिउ खहा

गुवाहाटी,सेप्तेम्बर 17: सनिबारनि मोनायाव गुवाहाटीनि उलुबारिआव थानाय पुर्बन्चल हाउसिं खमप्लेक्सनि थाखो मोनब्रै गोजौ बिलदिंनिफ्राय गोग्लैनानै सासे सुबुंनि जिउ खहा जायो।

जिउ खहा जानाय सुबुंखौ खामरुप जिल्लायाव थानाय बख' ओनसोलनि सिंगिरा गामिनि 42 बोसोरनि बिफुल नात होन्ना सिनायथि मोनो। गोग्लैनाय जाथायनि जाहोनखौ दासिम मिथिनो मोन्नाय जायाखै।

अदेबानि बिथांआ दै जगायनाय फाइप एबा प्लाम्बारनि खामानि मावोमोन होन्न् मिथिनो मोन्नाय जायो। बिथांखौ गुवाहाटी GMCH आव थिसनदोंमोनब्लाबो बांद्राय जखम जानायनि जाहोनाव लाखिनो हायासै होन्ना खौरां मोनबावनाय जायो।