राजबंसि आफादआ कामातापुरखौ बोखावनो मोना होन्ना लाशित सेनाफोरखौ हुमकि होदों

बंगाइगांव,नवेम्बर 23: बंगाइगाव जिल्लानि अभाइपुरिआव 24 नवेम्बरकालि खुंफुंनो लागा लाशिट दिवसनि हाबाफारिआव नेशनेल डेमक्रेटिक प्रन्ट अव बरलैन्डनि (NDFB) गाहाय नेहाथारिखौ खावलायहरनायनि थाखाय दुलाराय कछ-राजबंसि लाइमोन फरायसा सनमिलनिआ लाशिटनि सेनाफोरखौ हुमखि होदों।

प्रेस बिबुंसारनि गेजेरजों AKRYCS नि आफादगिरि ट्रालक्य राय बिथांआ बुङोदि, “नेशनेल डेमक्रेटिक प्रन्ट अव बरलैन्डआ (NDFB) मोनसे संबिजिरनि बेरेखा आफाद, बेफोरबादि मानसिखौ लिंहरनाया लाशित बरपुकनखौ लाजि फोनांनाय, बिथांमोनहा आलादा राज्यो बड’लैन्ड दाफुंनो नाजागासिनो दं आरो गोदान दिल्लीआव बिथांमोनि सावरायनाया सोलिगासिनो दं, जाय बाथ्राफोरा जारिमिनारि कामातापुर राज्योखौ आलादा खालामनो नागिरनाय, जों लासितनि सेनाफोरखौ हुमखि होयोदि जाहाथे राजबंसि हारिनि सेन्टिमेनजों दागेले” होन्ना बिथांआ बुङो।

“बडान बरपुकननि नङा नाथाय लाशित बरपुकननि मोन्थोरखौ मानिनो थाखाय जों बिथांमोनखौ खावलायो” होन्ना बिथांआ बुंबावो।