हिन्जाव सिखाव गुबै दायनिगिरिखौ पुलिसआ खाबाय

गुवाहाटी,अक्टबर 1: थांनाय दाननि 2 सेप्तेम्बराव नोगोरमानि बसिस्ट ओनसोलनिफ्राय हिन्जाव सिखावआ सासे हिन्जावखौ किदनेप खालामनानै थामिल नादुनि मोनसे थांखि गोयै ग्रुपनो फानहैदोंमोन।

खौरां मोन्नाय बादिब्ला हिन्जावनि नखरनि सुबुंआ बसिस्ट पुलिस थानायाव IPC नि 370 दफानि आयेन बादियै नालिस होनानै केस नं 1117/18 आव रेजिस्टार खालामदोंमोन। लोगो लोगोनो पुलिसआ संदान्नानै थामिल नादु हादोरसानिफ्राय हिन्जावखौ मोन्नाय जादों आरो बे जाथायजों पुलिसआ सासे सुबुंखौ खादोंमोन नाथाय गुबै दायनिगिरि जुपि बड’आ खारखोमानानै दंमोन।

दिनै गुबै दायनिगिरि जुपि बड’ बिथांखौ गुवाहाटी नोगोरमानि बसिस्टनि लाटाकाटा ओनसोलनिफ्राय खानो हायो।