अन्नाय सावथुना सावथुन मोजां मोनगिरिफोरनि अनसायनाय मोन्दों

क’कराझार,सेप्तेम्बर 11: थांनाय रबिबारनि मोनाब्लिआव रामपलबिलाव थानाय रुपनात ब्रम्ह गेलेग्रा फोथाराव ग्रान्ट प्रिमियार दिन्थिनायजों लोगोसे बेखेवजानाय क’कराझार जिल्लानि आर.बि प्रडाक्सनजों दिहुन जानाय ‘अन्नाय आरो जिउ बावनाय’ बिमुंनि सिङाव ‘अन्नाय’ सावथुना सावथुन मोजां मोनगिरिफोरनि अनसायनाय मोनदों।

बे सावथुनानै आर.बि प्रडाक्सननि थामथि सावथुन आरो गिबिसिन खोला भारतनि बोसोनगिरि (Director)जों दिहुन जानाय होन्ना खौरां मोनो। बेखेवनाय हाबाफारिआव सोनाब क’कराझारनि एम.एल.ए रबिराम नार्जारि, बि.टि.ची खुंथायनि MCLA जतिन्द्र ब्रम्ह आरो क’कराझार जिल्ला पुलिस एस.पि राजेनसिं बिथांमोनहाबो बाहागो लादोंमोन आरो हाबापारिआव जौसांआव मोसानाय हाबाफारिबो लादोंमोन होन्ना खौरां मोन्नाय जायो।

रिया ब्रम्ह एबा आर.बि प्रडाक्सनजों दिहुन जानाय अन्नाय सावथुनखौ बाक्सा जिल्लानि पंकज लाहारि लिरदों आरो राजा नार्जारि बिथांआ बोसोन होदोंमोन होन्ना खौरां मोन्नाय जायो। सावथुनाव गुबै रल लागिरि हिसाबै लिंसार, फुजि, रिया, उइंकल, थाक्लाय, राजस्रि, एकलब्य, फोजाखां आरो खमलेसर बिथांमोनहा बाहागो लादों होन्नानैबो खौरां मोनबावनाय जायो।