गुवाहाटी,सेप्तेम्बर 14: बुधबाराव 5.5 गोहो गोनां बांग्रिंआ सा-सान्जा हादोरसाजों लोगोसे सोनाब बेंगल आरो बिहार हादोरसाखौबो सोमावग्लुंलांदोंमोन। फुंनि 10.20.49 सेकेन्टआव मावनानै 24 घन्टानि गेजेरावनो मोया मोनानि 10:53:35 सेकेन्टआव 4.3 गोहो गोनां बांग्रिंआ फिन केबसे क’कराझार जिल्लायाव सोमावग्लुंबावो।
भारत बोथोर बिफान्निफ्राय खौरां मोन्नाय बादिब्ला बांग्रिंआ आसाम हादोरसानि सिंआव थानाय क’कराझार जिल्लानि 13 कि.मि गोथौ हा सिंनिफ्राय मोनानि 10:53:35 सेकेन्टआव सोमजिदों। लोगोसे महारास्त्र हादोरसानि हिंगलि होन्नाय जिल्लायावबो 2.5 गोहो गोनां बांग्रिंआ सोमजिदोंमोन होन्ना मिथिहोहरो। नाथाय दासि जोबो खहा जालांनायनि खौरां मोन्नाय जायाखै।