गहपुर,नवेम्बर 29: गहपुराव थानाय चायदुवार फरायसालिमायाव दिग्रि सेथि बोसोराव फरायफुबाय थानाय बिनिता दास बिथांआ फैगौ आसाम पन्चायतनि बिसायखथिनि थाखाय साखाफारा जाबाय।
खौरां मोन्नाय बादिब्ला बिनिता दास बिथांआ असम गन परिसदनि (AGP) जानानै नतुन चाट्रांग गामिनि आफादगिरिनि मासिआव बिजाथि थिसनदों।
बिथांआ बुङोदि, “सासे लाइमोन जानायलाय आंखौ बयबो हेफाजाब होदों आरो आंखौ फोथाय जुदि आं गोहोआव फैयोब्ला आंनि गामिखौ फारफ्रोमबो बिथिंआव जौगाहोनाय खामानिखौ मावलांगोन, जोंनि गामिनि सुबुंफोरा जोंनि गामि जौगाखांनायखौ नुनो मोनगोन जुदि आं गोहोआव फैयोब्ला” होन्ना बिथांआ बुबावो।
मखनो गोनांदि, आसाम हादोरसानि मोन 26 जिल्लाफोरजों लोगोसे मोन 14 सुबुं साब-डिभिजनफोराव पन्चायतनि बिसायखथिआ फैगौ 5 डिसेम्बर आरो 9 डिसेम्बराव खुंफुंगोन आरो 12 डिसेम्बरखालि भटनि जौखोन्दोखौ सानगोन।