गलाघात: रबिबाराव गलाघात जिल्लानि चकिथिं ओनसोलाव पाइपलाइन गावब्रानायनि जाहोनाव गेस लिख जानानै गिख्रंथाव ओनसोलनि सुबुंफोरा गिखांनाय फोरमायदों। खौरां मोन्नाय बादिब्ला, आसाम गेस कम्पानिया दाकिनहेंगेरा साहा फेक्तरिआव गेसखौ दैथायहरगासिनो दंमोन। रबिबाराव आबाद चकिथिं रेल स्तेसननि खाथिनि आबाद मावग्रा फोथाराव पाइपलाइन गावब्रायो। खाथि खालानि सुबुंफोरा गेसनि पाइपलाइन गावब्रानानै गिखांनाय फोरमायो। बिथांमोनहा बुङोदि, बे खौरांखौ मोन्नानैब्लाबो पाइपलाइन नि बिबानगिरिपोरा जेबो राहा लायाखै हेन्ना दुखु फोरमायो।