सनितपुर,सेप्तेम्बर 19: हा हुनि रैखाथि, हारि माहारि रैखाथि, खौसेथिनि सांग्रांथि, खोमसि फोथाइनाय निफ्राय जानगाराव थानाय, समाजखान्थि, रांखान्थि आरो सोलोंथाइजों लोगोसे बड'लेण्ड सोमावसारनाय हाबा फारिफोराव बयबो बाहागो लानो बायदि बायदि बिथिंखौ लानानै सनितपुर जिल्ला दुलाराय बर’ फरायसा आफादनि दैदेन्नायाव फैगौ 26 सेप्तेम्बर निफ्राय जागायनानै 2 अक्टबर सिम 7 सान गोलाव सम हान्जा सुरनाय हाबाफारि लादों होन्ना खौरां मोन्नाय जायो।
बे हाबाफारिआ सनितपुर जिल्लानि सिङाव थानाय भालुकपुं निफ्राय जागायनानै गासै सनितपुर जिलानि सिङाव थानाय आन्चलिक फोराव गामि गामि गोलाव हान्जा सुरगोन होन्ना खौरां मोन्नाय जायो।
बे हाबाफारिआव लाइमोन एबा बोराय बेन्थु साफ्रोमखौबो बाहागो लानो थाखाय खावलायहरदों।