साधारन सुबुंफोरनिफ्राय दिसपुर सरकारा बिबुंथि हांख्रायहरदों

गुवाहाटी,सेप्तेम्बर 6: MyGov Assam आ मोनसे जायगा, जाय जायगायाव गोनखोनि हेफाजाबजों साधारन सुबुं आरो सरकारनि गेजेराव सावरायज्लायनाय आरो जौगाखां हाबा मावनायफोरनि मावथांखिनि थिरांथा लानाय जायो। बेबादिनो हादोरसानि मुंदांखा दानाय-लुनायफोरखौ जौगाहोनो थाखाय हादोरसा सरकारा साधारन सुबुंफरोनिफ्राय बिबुंथि हांख्रायहरदों।

बिबुंथिफोरखौ जमा होनायनि थाखाय 31 अक्टबर 2018खौ जोबथि सान हिसाबै मिथिहोयो। आसाम हादोरसाया दानाय-लुनायाव मुंदांखा आरो असमियाफोरजों लोगोसे आसामाव थानाय ट्रायबेल सुबुंफोरनि बयनिबो आखायावनो मेसिननि अनगायै बानायनो हानाय मेजिक दं होन्नानै बयबो मिथिगौ। न'खराव नांगौ जानाय सि-जोम, दखना- गामसा नखरावनो बानायना लानो हाजोबो।

समजों लोगोसे गोनखोआरि मुगाजों हारिमुफोरा गोमालांनो हमनाया गोदान बाथ्रा नङा। बेनिखायनो आसाम सरकारा बैफोरखौ नोजोर होनानै गोमालांनो नागिरनाय हारिमुनि आसोर खान्थिखौ रैखाथि होनो बयनिफ्रायबो बिबुंथि हांख्रायहरदों।