Begin typing your search above and press return to search.

आक्रासुआ आलादा राज्यो कामाटापुर दाबिनानै गाहाय मनट्री आरो गिबि मनट्रीनि मुसुखा सावदों

आक्रासुआ आलादा राज्यो कामाटापुर दाबिनानै गाहाय मनट्री आरो गिबि मनट्रीनि मुसुखा सावदों

Sentinel Digital DeskBy : Sentinel Digital Desk

  |  15 Nov 2018 9:47 AM GMT

टंला,नवेम्बर 15: बुधबाराव दुलाराय कछ राजबंसि फरायसा आफादआ टंला आन्चलिक खमिटिजों लोगोसे आलादा राज्यो कामाटापुर आरो सेडियुल ट्रायब (ST) बिमुंनि दाबि खालामनायजों लोगोसे नोगोरारि (सोदांनाय) बिल 2016खौ बेरेखा खालामनानै हादोरनि गाहाय मनट्री नारेन्ड्र मोदी आरो हादोरसानि गिबि मनट्री सर्बानन्द सनवाल बिथांनि मुसुखा सावदों।

खौरां मोन्नाय बादिब्ला बिथांमोनहा टंला गोजौ फरायसालिनि खाथि मंगलदै-भुटियाचांग लामायाव नारेन्ड्र मोडी आरो सर्बानन्द सनवाल बिथांमोनखौ बायदि बायदि रावजों सोंखारिनानै मुसुखा बानायना सावदों होन्ना मिथिनो मोन्नाय जायो।

दुलाराय कछ राजबंसि फरायसा आफादनि सोद्रोमाफोरा मिरु सरकारनि बेरेखायै स्ल’गान होनानै बिथांमोनहा बुङोदि- मिरु सरकारा बेफोर जेंनाफोरखौ सुस्रांना होगोन होन्नानै खुंथायनि गोहोआव फैदोंमोन नाथाय जेब्ला खुंथायाव फैयो अब्ला बेफोर जेंनाफोरखौ सुस्रांना होनायाव फेलें जादों होन्ना बुङो। मिरु सरकारनि मावथांखि बादियै नोगोरारि सोदांनाय बिल 2016 खौ हेफाजाब होनायनि थाखाय सोमावसारगिरि हान्जाफोरा आसाम हादोरसानि बिजेपि खुंथायखौ सोंखारियो आरो बुङोदि, नोगोरारि सोदांनाय बिल 2016 आ आसाम हादोरसानि थागिरि सुबुंफोरनि राव, हारिमु आरो धोरोमफोरखौ गोमालांहोगोन।

उदालगुरि जिल्ला दुलाराय कछ राजबंसि फरायसा आफादनि गाहाय आफादगिरि हेमान्ट बरा कछ बिथांआ बुङोद- बिजेपि दोलोनि NDA सरकारा राजबंसि फोलेरनि गुबै जेंनाखौ बोस्रांनो जेबो मावथांखि लायाखै, कछ राजबंसि हारिनि रांव, हारिमुंफोरखौ फोथांना लाखिनो थाखाय जारिमिनारि आलादा राज्यो कामाटापुरखौ दाफुंनो जों दाबि खालामो, जोंनि बाथ्राखौ खोनासंआब्ला फैगौ समफोराव जों जोंनि सोमावसारनायखौ हिंसायारिजों लांगोन होन्ना बिथांमोनहा सरकारखौ हुमखि होबावो।

उदालगुरि जिल्ला आक्रासुनि गाहाय नेहाथारि जितेन देखा बिथांआबो नोगोरारि सोदांनाय बिल 2016 खौ लानानै सरकारखौ सोंकारियो।

Next Story
गाहाय रादाब