आल्फानि दैदेनगिरि जितेन दाट्टा आरो म्रिनाल हाजरिखाखौ हगारनो थाखाय दाबि खालामदों

दिगबय,नवेम्बर 14: मंगलबारनि बेलासि समाव सरकारजों सावरायगासिनो थानाय आल्फानि दैदेनगिरि जितेन दाट्टा आरो म्रिनाल हाजरिखाखौ थाबैनो गोख्रै हगारनांगौ होन्ना थिनसुकिया जिल्लानि दिगबय टाउनाव दिगबय उन्नायान समाबेनि दैदेन्नायाव गोख्रों सुबुं धर्ना होयो आरो नोगोरारि सोदांनाय बिल 2016 खौबो थाबैनो बोखांना लाफिन्नांगौ होन्ना दाबि खालामो।

खौरां मोन्नाय बादिब्ला बे हाबाफारिआव दिगबय उन्नायान समाबे आफादनि दैदेन्नायाव गुबुन गुबुन आफादफोर फारियै चाट्रा मुक्टि संग्राम समिटी, आसु, एजेइचिपि, मरान फरायसा आफाद, गर्खा फरायसा आफाद आरो दिगबय महिला मन्डल आफादफोरा बाहागो लानानै बिजेपि दैदेन्नाय सरकार, आसाम सरकार आरो मिरु सरकारखौ सोंखारियो।

धर्ना होनाय हाबाफारि बादियै बिथांमोनहा गिबि मनट्री सर्बानन्द सनवाल, रां बिफान्नि मनट्री हिमान्त बिस्वा चर्मा, आरो हजाय बियाबनि MLA सिलादित्य राय बिथांमोनि मुसुखाखौ सावो।