कलकाटा,सेप्तेम्बर 18: आसाम हादोरसायाव एन.आर,चीखौ सोदांनायनि उनाव बेंगल हादोरसायावबो राष्ट्रीय स्वयंसेवक संघ (RSS) आ बेंगल हादोरसायावबो आसामाव मावलांनाय बायदि एखे रोखोमैनो हादोरसानिफ्राय आयेन बेरेखायै गुबुनारिफोर हाबफैनायखौ दैथाय हरफिन्नो NRC सोदांनांगौ होन्ना दाबि खालामदों।
सोनाब बेंगलनि सिमा ओनसोलफोराव थानाय मोनफ्रोमबो जिल्लाफोराव RSS नि दैदेन्नायाव सोमावसारनाया जागायखाबाय। बेनिनो हाबाफारि बादियै ओनसोलाव थानाय सुबुंफोरनि गिनायखौ फोजोबस्रांनो न’ न’ हाबनानै बुजायो।
बेंगल RSS नि गाहाय नेहाथारि जिस्नु बासु बिथांआ बुङोदि, जों खामानिखौ जेंना गैया जासे गोरलैयैनो मावफुंनो नाजागोन। बेंगलखौ बांग्लादेसि मुस्लिमफोरनिफ्राय होबथानो थाखाय NRC नि अनगायै गुबुन राहा गैया होन्ना बिथांआ बुंबावो।