आसामाव दिनै बांग्रिं, सोनाब बेंगलआवबो गोहोम गोग्लैदों

गुवाहाटी,सेप्तेम्बर 12: दिनै 5.5 गोहो गोनां बांग्रिंआ सा-सान्जा हादोरसाजों लोगोसे सोनाब बेंगल आरो बिहार हादोरसाखौबो सोमावग्लुंलांदों। भारत मेटिवरलजिकेल बिफान्निफ्राय खौरां मोन्नाय बादिब्ला बांग्रिंआ आसाम हादोरसानि सिंआव थानाय क’कराझार जिल्लानि 13 कि.मि गोथौ हा सिंनिफ्राय फुंनि 10:20:49 सेकेन्टआव सोमजिदों आरो मावग्लुंनाया 10 सेकेन्ट थादों होन्ना मिथिनो मोन्नाय जायो।

माखासे बांग्लादेस हादोरनि हा बाहागोआवबो गोहोम गोग्लैदों होन्ना खौरां मोनबावनाय जायो नाथाय दासि जोबो खहा जालांनायनि खौरां मोन्नाय जायाखै।