Begin typing your search above and press return to search.

उदालगुरि जिल्ला खुंथाया लख सबा बिसायखथिखौ गोजोनै खुंफुंनो थाखाय सांग्रांथि जाबाय

उदालगुरि जिल्ला खुंथाया लख सबा बिसायखथिखौ गोजोनै खुंफुंनो थाखाय सांग्रांथि जाबाय

Sentinel Digital DeskBy : Sentinel Digital Desk

  |  13 March 2019 10:30 AM GMT

टंला,मार्च 13: थांनाय रबिबारखालि भारत बिसायखथि बिफान्नि गाहाय एबा Chief Election Commissioner सुनिल आररा बिथांआ हादोराव खुंफुंजानो लागा लख सभा बिसायखथिनि समखौ फोसावनानै होनाय लोगो लोगोनो आसाम हादोरसायावबो बिसायखथिनि दुंब्रुद बारहावाया बारबोनो हमो। बेफोरखौ नोजोर होनानै 8 नं मंगलदै लख सभा बियाबनि सिङाव थानाय उदालगुरि जिल्ला खुंथायाबो फैगौ 18 एप्रिल 2019 अक्ट’खालि जिल्लायाव गोजोनै खुंफुंनो थाखाय सांग्राथिआरि जथुमा खुंफुङो।

गासै मोन 4 एसेमब्लि बियाबफोर फारियै- 64 नं पानेरि बियाब, 65 नं कालाइगांव बियाब, 69 नं उदालगुरि बियाब आरो 70 नं माजबाद बियाबफोरा उदालगुरि जिल्लानि सिङाव हाबफानानै। नाथाय 65 नं कालाइगांव बियाबखौ मोजाङै सामलायनो थाखाय दरं जिल्ला खुंथाया आखायाव लायो। बिसायखथिखौ नोजोर होनानै उदालगुरि जिल्ला खुंथायनि डिपुटी खमिसनारनि नब्लांआव थांनाय समबारखालि जथुमा खुंफुङो। बे जथुमायाव मोनफ्रोमबो राजखान्थि हान्जानि दैदेनगिरिफोर आरो खौरांगिरिफोरा नुजाथिदोंमोन।

जथुमानि गेजेरजों डिपुटी खमिसनार दिलिप कुमार दास बिथांआ जिल्लायाव बिसायखथिखौ गोजोनै खुंफुंनो थाखाय मोनफ्रोमबो राजखान्थि दोलोनि दैदेनगिरिफोरखौ भारत बिसायखथि बिफान्नि आयेन एबा Model Code of Conduct फोरखौ बिसायखथिनि फिथाय (Result) ओंखारजासिम मानिनानै बाहागो लानो खावलायो। माखासे जेंना गोनां ओनसोलफोरखौ नोजोर होनानै बिथां मोनफ्रोमबो राजखान्थि दोलोनि दैदेनगिरिफोरखौ धोरोम सिबिसालिफोराव बिसायखथिनि जथुमा खुंफुंनायनिफ्राय जानगाराव थानो खावलायो। माइक, माइक्रपोन आरो गोसा गोसा दामग्रा देग्रा बाहायनायफोरा मोनाब्लिनि 10 रिंगानिफ्राय फुंब्लिनि 6 रिंगासिम बन्द’ थानांगोन। मिलिटारि एबा डिपेन्सनि पोटोफोरखौ सावगारि सेबखांनानै बिसायखथिनि खामानिआव बाहायनो मोना होन्ना दास बिथांआ बुंबावो।

जिल्लानि लोगो डिपुटी खमिसनार अमरज्यती बर्मन बिथांआबो खौरांगिरिफोरनि सिगांआव बुङोदि, जिल्लायाव बिसायखथिखौ गोजोनै खुंफुंनो थाखाय मोन 9 नायदिंग्रा हान्जा, मोन 6 भिडिअ’ नांयदिंग्रा हान्जा, आरो मोन 1 भिडिअखौ नायग्रा हान्जा थिसन्नानै होनाय जाबाय।

Next Story
गाहाय रादाब