गुवाहाटी,सेप्तेम्बर 29: थांनाय थाम बोसोर सिगांनिफ्रायनो हादोरसानि समाज जौगाखां बिफाना गुबुन गुबुन मावथांखि लादोंब्लाबो हादोरसायाव उन्दै बैसोआवनो हाबा जानाय जाथाया बांलांगासिनो दं, बे बाथ्राया सोलिफुबाय थानाय बिधान सभानि जथुमायाव जाखाङो।
खौरां मोन्नाय बादिब्ला कंग्रेज दोलोनि MLA रसलिना थुर्ख्रि बिथांनि सोंथि सोंनायाव हादोरसा समाज जौगाखां बिफान्नि मनट्री प्रमिला रानि ब्रम्ह बिथांआ मिथिहोयोदि, 2015-16 माइथायाव उन्दै बैसोआव हाबा जानाय जाथायनि अन्जिमाया गासै मोन 32 मोन फारसेथिं 2016-17 माइथायाव गासै मोन 96 आव बाङो आरो 2017-2018 आव गासै 379 आव बांलाङो।