गुवाहाटी/जाकार्ता: इंडनेसिया हादोरसानि राजथावनि जाकार्तायाव सोलिफुबाय थानाय "एसिन गेम्स 2018” आव भारत हादोरनि होकि हान्जाया बाहागो लाहैनानै देरहासारो आरो जारिमिन खालामना दोन्नो हायो।
बिथांमोनहा बुधबाराव जानाय बादायलायनायाव हंकं हादोरजों गेलेना 26-0 आव दोरहासारनो हायो। बे देरहानाया भारत हादोरनि 86 बोसोर सिगांनि जारिमिनखौ सिफायनानै गिबि खेबनि थाखाय जारिमिनाव बांसिन नम्बर लानो हानानै देरहासारनाय। 1932 माइथायाव भारत हादोरा लस एनजिल अलिमपिकआव आमेरिखा हादोरजों बेरेखा गेलेना 24-1 आव देरहासारनानै जारिमिनाव दोनदोंमोन।